6.1.1. Cyfeiriwyd buddsoddiad yn yr isadeiledd ffyrdd tuag at estyn gallu ffyrdd er mwyn lleihau tagfeydd a bodloni rhagolygon o dwf cynyddol mewn llifau traffig yn draddodiadol. Erbyn hyn, cytunir nad yw'r ymagwedd hon o 'ragolygu a darparu' yn gynaliadwy. Cydnabyddir yn genedlaethol na all adeiladu ffyrdd ar ei ben ei hun ddatrys y broblem o dwf mewn traffig a chynnydd mewn tagfeydd ac, os ystyrir bod adeiladu ffyrdd newydd yn hanfodol, dylid ei gyfiawnhau gan ffactorau eraill yn hytrach nag anelu i ddiwallu ar gyfer cynyddiau mewn traffig yn unig.

6.1.2. Yn yr un ffordd, cydnabyddir nad yw adeiladu ffyrdd yn datrys yr holl broblemau a achosir gan dagfeydd er ei fod yn creu mwy o le. Dylid ystyried mesurau sy'n amgylcheddol mwy derbyniol, fel lleihau maint ffyrdd, wrth ymdrin â'r materion dan sylw. Mae'r Cyngor yn cydnabod y bydd dilyn yr ymagwedd hon, sy'n gyfiawn ar seiliau economaidd ac amgylcheddol, yn golygu colli rhai ceir, yn enwedig yn ystod oriau brig, a bydd hyn yn achosi anghyfleustra i ddefnyddwyr. Fodd bynnag, byddai'r colledion hyn yn cael eu gwrthbwyso gan ddarparu mesurau blaenoriaeth eraill i helpu bysiau, beiciau a cherddwyr i deithio o gwmpas yn haws, gan ategu at y cynnydd a wnaed gan gynlluniau pedestreiddio, llwybrau beicio a chymunedol a darparu teithiau diogel i ysgolion y fwrdeistref sirol ac annog pobl i weithio oriau hyblyg. Mae'r Cyngor yn hyderus y bydd effaith gyffredinol ei bolisïau cludiant o fudd cymdeithasol, amgylcheddol ac economaidd i holl drigolion y fwrdeistref sirol.

6.1.3. Mae'r Cyngor yn cydnabod y bydd addasiadau i'r rhwydwaith ffyrdd yn cael effaith ar gostau cludiant, patrymau teithio i'r gwaith, datblygiad economaidd (gan gynnwys newidiadau arfaethedig i gludiadau manwerthu a chyfyngiadau llwythi) ac felly lleoliad defnyddiau tir yn y dyfodol. Bydd raid i benderfyniadau i addasu neu ailddyrannu ffyrdd gael eu harwain gan y rôl y bydd yr isadeiledd cludiant cyhoeddus, yn enwedig rheilffyrdd, yn ei chwarae mewn chwarae effeithiolrwydd cyffredinol y rhwydwaith cludiant cyfan.

6.1.4. Er ei bod yn gyffredinol ddymunol i gyfyngu maint ffyrdd mewn rhai ardaloedd o'r fwrdeistref sirol er mwyn peidio ag annog pobl i ddefnyddio'r car, mewn ardaloedd eraill, gallai fod angen mawr i wella'r rhwydwaith ffyrdd drwy adeiladu ffyrdd newydd neu wella'r rhai presennol. Mewn amgylchiadau priodol, gall adeiladu ffordd newydd ysgogi cyfleoedd economaidd drwy ddenu buddsoddiad mewnol, fel a ddigwyddodd ar goridor traffordd yr M4. Mae effeithiau positif posibl adfywiad yn cyfiawnhau cadw'r dewis o adeiladu rhai ffyrdd newydd, yn enwedig yn yr ardaloedd hynny lle mae tir datblygu dymunol ac amgylcheddol dderbyniol ar gael. Cyflwynwyd polisi 6 i'r cynllun am y rhesymau hyn.

66.1.5. Bydd math, ansawdd a lefel yr isadeiledd yn y fwrdeistref sirol yn dylanwadu ar ddewis cludiant a natur y datblygiad arfaethedig. Yn eu tro, bydd y ffactorau olaf hyn yn dylanwadu ar berfformiad gwaith yr isadeiledd cludiant a ffyrdd presennol, gofynion buddsoddiad y dyfodol ac unrhyw raglen weithredu. Cyflwynwyd polisi 7 yn y cyd-destun hwn.

6.1.6. I ganlyn yr amcan o gydlynu ac integreiddio defnydd tir â darpariaeth cludiant, er mwyn lleihau hyd teithiau a dibyniaeth ar y car tra'n gwella potensial cludo trenau, rhaid rheoli'r rhwydwaith ffyrdd gyda golwg ar atgyfnerthu'r buddion economaidd, cymdeithasol ac amgylcheddol a geir o'r datblygiadau y mae'n eu gwasanaethu. Mae'n hanfodol felly i lunio polisïau cludiant a fydd yn dylanwadu ar leoliad a natur y datblygiad drwy annog datblygiadau defnydd cymysg mewn mannau sy'n agos i goridorau cludiant cyhoeddus. Mae'r ymagwedd hon yn cwmpasu gostyngiad yn nifer a hyd teithiau, yn enwedig y rhai a wneir mewn ceir. Bydd yn gwella ac yn annog siwrneiau ar gludiant cyhoeddus, ar feiciau neu ar droed er mwyn gwneud defnydd mwy effeithiol o'r rhwydwaith cludiant cyfan a lleihau llygredd amgylcheddol. Cynhwysir yr ymagwedd hon yn strategaeth y CDU sy'n hybu coridorau aml-gludiant wrth graidd y rhwydwaith cludiant.

6.1.7. I helpu yn y broses uchod ac mewn ymgynghoriad â'r cyhoedd ac awdurdodau lleol eraill yn rhanbarth de Cymru, mae'r Cyngor yn cynnig safonau parcio diwygiedig a fydd yn rheoleiddio a phenderfynu ar lefel y ddarpariaeth barcio ar ddatblygiadau newydd. Mae'r gofyn i ddefnyddio mwyafswm safonau parcio, yn unol â Pholisi Cynllunio Cymru 2002, yn ffurfio sail ar gyfer y gwaith. Unwaith eto, y nod yw: lleihau dibyniaeth ar y car ac annog pobl i ddefnyddio cludiant cyhoeddus, yn enwedig mewn ardaloedd lle mae digon o hyn yn bodoli neu lle mae potensial i'w hybu ymhellach.

6.1.8. Felly, er mwyn cyflawni amcanion a nodau'r safonau diwygiedig, bydd y Cyngor yn cyflwyno polisïau sy'n gofyn i ddatblygwyr gyflwyno asesiad o gludiant cyhoeddus a darpariaeth ar gyfer beicwyr a cherddwyr, fel rhan o'u cynigion datblygu. Bydd y Cyngor yn gofyn i ddatblygwyr cynigion gweithgareddau/defnyddiau sy'n creu cyflogaeth gyflwyno 'cynlluniau cymudo neu deithio' ynghyd ag esboniad llawn o sut fydd eu cynlluniau'n helpu i greu rhwydwaith cludiant lleol effeithiol.

6.1.9. Mae'r Cyngor yn gwybod y gallai fod achlysuron lle byddai cynigion datblygwr yn cael effaith ddrwg ar y rhwydwaith cludiant a'r amgylchedd lleol. Pan fydd hyn yn digwydd, gofynnir i'r datblygwr dan sylw gyflwyno mesurau priodol i'w gywiro. Bydd y Cyngor yn archwilio'r holl asesiadau/cynlluniau uchod yn ofalus a bydd gofyn iddo eu cymeradwyo hefyd.

6.1.10. Mae rheoli'r rhwydwaith cludiant a phenderfyniadau buddsoddi'n cael eu dylanwadu gan symudiadau effeithiol pobl a nwyddau, ymysg pethau eraill. Er bod symud nwyddau ar hyd ffyrdd wedi bod yn cynyddu, mae canran y diwydiant rheilffyrdd o draffig cludo wedi aros yn gyson yn y blynyddoedd diwethaf. Fodd bynnag, awgryma strwythur allbwn economaidd a diwydiannol y fwrdeistref sirol fod potensial sylweddol i'r rheilffyrdd gydio mewn canran fwy o'r traffig hwnnw er budd economaidd ac amgylcheddol yr ardal. Felly, i annog rheilffyrdd i gludo nwyddau'n lleol, bydd y Cyngor yn ffafrio cynigion datblygu sy'n anelu at leoli ar safleoedd priodol a fydd yn hwyluso symud nwyddau ar drenau. Gallai'r datblygiadau hyn ddenu cymorth ariannol dan Adran 249 o Ddeddf Cludiant 2000 hefyd.

Rhan 2

6.2. Cyflwyniad

6.2.1. Mae cludiant yn hanfodol o ran sicrhau lles economaidd, amgylcheddol a chymdeithasol y fwrdeistref sirol. Gall natur y rhwydwaith cludiant ddylanwadu'n fawr ar leoliad, math a maint datblygiadau a'r ffordd yr eir atynt. I'r gwrthwyneb, mae perfformiad gwaith y rhwydwaith a gofynion y dyfodol yn cael eu dylanwadu gan ddatblygiadau defnydd tir. Cydnabyddiaeth o'r berthynas hon sy'n ffurfio sail cyfarwyddyd cenedlaethol ac sy'n cefnogi integreiddio cynllunio defnydd tir a chludiant.

6.2.2. Yn hanesyddol, mae patrymau defnydd tir ym mwrdeistref sirol Pen-y-bont ar Ogwr wedi bod yn ffactor sylweddol wrth ddarparu tai, cyflogaeth, cyfleusterau siopa, addysg a hamdden. Felly, mae nifer a hyd teithiau wedi cynyddu ac mae mwy o bobl yn dibynnu ar eu ceir. Anogwyd y tuedd hwn gan isafswm safonau parcio a blaenoriaethau rheoli'r rhwydwaith ffyrdd, y ddau wedi arwain at ddirywiad cludiant cyhoeddus a ffyrdd eraill o deithio.

6.2.3. Fodd bynnag, nid yw'r dirywiad mewn cludiant cyhoeddus dim ond o ganlyniad i bobl yn defnyddio ceir a chrynhoi datblygiadau ar ymylon anheddiada trefol. Dylanwadwyd arno hefyd gan yr integreiddiad annigonol o'r gwahanol ffyrdd o deithio a chysylltiadau gwael â datblygiadau. Mae hyn wedi cyfrannu at anghydraddoldeb cymdeithasol hefyd. Er enghraifft, dim ond ychydig o gludiant cyhoeddus oedd yn mynd i fannau manwerthu a mannau gwaith tu allan i drefi ac ni allai amlder y gwasanaethau gynnal na chefnogi patrymau teithio heblaw am deithiau yn y car. Yn yr amgylchiadau hyn, daeth cartrefi nad oedd ganddynt gar yn gymdeithasol eithriedig o'r buddion economaidd a ddarperir gan y datblygiadau hyn h.y. swyddi neu brisiau is.

6.2.4. Mae'r costau cymdeithasol ac amgylcheddol y mae'r eithriad hwn yn gorfodi ar y fwrdeistref sirol yn tueddu i leihau effeithiau da gwell rwydwaith cludiant. Felly, amcan y Cynllun Datblygu Unedol (CDU) yw llunio polisïau sy'n lleihau'r costau hyn ac sy'n lleihau eithriad cymdeithasol er mwyn cael datblygiad cynaliadwy.

6.2.5. Mae problemau cludiant y fwrdeistref sirol yn amrywiol gan nad yw'r ddarpariaeth yn gyson ac nid oes dewis cyfartal. Dangosir hyn gan y rhwydwaith ffyrdd presennol i'r gogledd a'r de o'r M4 a nodweddion cymdeithasol economaidd gwahanol y fwrdeistref sirol.

6.2.6. Mae rhai problemau cludiant gwledig unigryw'n amlwg hefyd, fel cyfleusterau cludiant cyhoeddus annigonol a llai o fynediad hawdd i amwynderau na ddylid anghofio amdanynt yn yr hwb i ddatrys problemau cludiant trefol (megis tagfeydd traffig) drwy fentrau ariannol, cyfyngu traffig a mesurau rheoli eraill.

6.2.7. Er mwyn ymdrin ag anghenion cludiant amrywiol y fwrdeistref sirol, mae gofyn am becyn hyblyg o fesurau cludiant integredig a fydd yn gwneud symud o gwmpas yn haws ac yn rhoi mynediad cyfartal i'r holl drigolion. Bydd yn cynnwys mesurau i reoli a chyfyngu traffig, creu blaenoriaeth i feicwyr, cerddwyr a bysiau. Bydd llai o bwyslais ar adeiladu ffyrdd newydd ond bydd raid i'r pecyn cludiant integredig hyn gynnwys ychydig o waith adeiladu ffyrdd newydd, ynghyd â rhai gwelliannau i ffyrdd presennol, er mwyn cwrdd â'r her yn gyffredinol.

6.2.8. Fodd bynnag, mae strategaeth cludiant y Cyngor yn ystyried y cyngor a geir ym Mholisi Cynllunio Cymru 2002, sy'n gosod allan fframwaith i hybu cludiant integredig wrth gyflawni nodau datblygiad cynaliadwy. Mae'r cyfarwyddyd yn cydnabod yr angen i gyfyngu'r twf parhaus yn ein defnydd o'n cer a'r twf mewn lefelau traffig, ynghyd â'r anallu i barhau i ddarparu ar gyfer y galw a ragwelir oherwydd y costau cymdeithasol ac ariannol drud o adeiladu ffyrdd. Mae'r cyfarwyddyd yn gofyn am ddatblygu polisïau cludiant integredig i gyfrannu tuag at leihau twf traffig, lleihau ein dibyniaeth ar y car ac annog pobl i ddefnyddio dulliau eraill o gludiant.

Community Route

6.2.9. Bydd yr angen i leihau dibyniaeth ar y car yn annog datblygwyr i ddewis safleoedd datblygu sydd â chludiant cyhoeddus da iddynt, ynghyd â llai o le i barcio, er mwyn cefnogi amcanion cynaladwyedd y CDU. Ceir cyfarwyddyd manwl sy'n cefnogi'r amcanion uchod ym MMholisi Cynllunio Cymru 2002 sy'n hybu'r cysyniadau perthnasol a osodir allan yn Neddf Lleihau Traffig y Ffyrdd 1997.

6.2.10. I gydnabod y pwyslais llai ar adeiladu ffyrdd fel prif elfen o fuddsoddi mewn cludiant, mae'r Llywodraeth wedi gwneud cynlluniau cludiant lleol yn brif ganolbwynt ar gyfer cyflawni ei nodau ar gyfer cludiant integredig ar lefel leol. Dylai mesurau cynlluniau cludiant lleol gynnwys cynigion cyfalaf a refeniw ynghyd â mentrau nad ydynt yn ymwneud â defnydd tir, fel cynlluniau cludiant gwyrdd a phartneriaethau ansawdd gyda chwmnïau cludo a chludiant cyhoeddus. Mae cynllun cludiant y fwrdeistref sirol yn cynnwys rhaglen bum mlynedd a fonitrir ac a arolygir bob blwyddyn sy'n hybu cludiant integredig a datblygiad cynaliadwy.

6.2.11. Mae'r ymagwedd newydd hon i gynllunio cludiant integredig wedi helpu i lunio'r ffordd y bwriada'r Cyngor weithredu ei strategaeth, blaenoriaethau a rhaglen fuddsoddi mewn cludiant. Bydd y CDU yn cynnwys cynlluniau o bwysigrwydd strategol h.y. gan gynnwys y rhai a gychwynnir gan ddatblygiad arfaethedig, ynghyd â'r rhai y diogelwyd tir ar eu cyfer eisoes; tra bydd y cynllun cludiant yn ymdrin â materion cludiant lleol. Bydd yn cynnwys cynlluniau cludiant, cynigion a mesurau rheoli traffig (yn enwedig y rhai sy'n effeithio ar goridorau cludiant strategol fel a nodir yn hwyrach dan bolisi T13). Nodir cynlluniau'n flynyddol yn arolwg y Cyngor o'i Gynllun Cludiant Lleol a bydd yn helpu i fonitro polisïau'r CDU. Fel hyn, bydd y CDU a'r CCLl yn cadw ymagweddau cyson at strategaethau a pholisïau cludiant sy'n hanfodol os dymunwn gyflawni ein hamcanion.

6.2.12. Bydd yr ymagwedd hon yn creu dau allu newydd hefyd:-

Bydd yn galluogi'r Cyngor i ddatblygu pecyn o gynlluniau nad ydynt yn dameidiog h.y. gan gynnwys prosiectau bach sy'n cadw at feini prawf a ddiffiniwyd dan ymagwedd newydd y Llywodraeth ar werthuso; a
Bydd proses y CCLl yn hwyluso datblygiad rhaglenni realistig o fuddsoddiad a blaenoriaethau cludiant sy'n cysoni arian ar gyfer prosiectau cymwys.

6.3. Cludiant a'r Amgylchedd

6.3.1. Mae Polisi Cynllunio Cymru 2002 yn cefnogi ymagwedd integredig at gludiant a chynllunio defnydd tir er mwyn i gludiant a chynllunio gydweithio i gefnogi dewisiadau teithio mwy cynaliadwy a lleihau'r angen i deithio. Mae'r ddogfen yn awgrymu hefyd y dylai'r ymagwedd gyffredinol at gynllunio cludiant anelu at ddiogelu a gwella'r amgylchedd a gwasanaethu anghenion datblygiadau drwy leihau'r angen i deithio a gwella mynediad i swyddi, hamdden a gwasanaethau. Felly, er mwyn lleihau'r galw am deithio, dylid lleoli datblygiadau lle byddant yn perthyn i ddefnyddiau tir a gwasanaethau eraill y mae gofyn iddynt ryngweithio â'i gilydd.

6.3.2. HYBU DULLIAU CLUDO CYNALIADWY

POLISI T1

DYLID LLEOLI DATBLYGIAD MEWN ARDAL A WASANAETHIR NEU SY'N GALLU CAEL EI GWASANAETHU GAN DDULLIAU CLUDO HEBLAW AM Y CAR PREIFAT. DYLAI DATBLYGIAD DDEWIS LLEOLIAD SY'N ARWAIN AT YR EFFAITH LEIAF O RAN TRAFFIG, SŴN, LLYGREDD, AYB.

6.3.3. Mae a polisi T1 yn cydnabod yr effaith sylweddol y gall lleoliad a natur datblygiad ei chael ar y rhwydwaith cludiant a'r amgylchedd. I helpu i ddiogelu'r amgylchedd rhag effeithiau gweithgareddau sy'n perthyn i gludiant, mae gofyn sefydlu fframwaith sy'n annog unigolion i ddewis y dulliau teithio mwyaf addas ac amgylcheddol dderbyniol ar gyfer eu teithiau. Elfen allweddol o hyn yw darparu gwir ddewis o ran cludiant i ac o ddatblygiadau arfaethedig ar gyfer y rhai sy'n gweithio yno neu sy'n eu defnyddio. Felly, lleolir datblygiadau lle gall rhwydweithiau presennol o gludiant cyhoeddus a ffyrdd ddiwallu ar eu cyfer, ynghyd â dewis effeithiol o deithio sy'n briodol i natur a maint y datblygiadau.

6.3.4. Lleolir datblygiadau arfaethedig y bydd llawer o'r cyhoedd yn mynd iddynt yn neu ger canolfannau presennol o weithgareddau ac sydd â chludiant cyhoeddus da iddynt. Gorfodir y gofyn hwn gan y Cyngor a bydd yn ystyried natur y datblygiadau a'r arferion newidiol a gyflwynir e.e e-fasnach. Dim ond mewn achos datblygiad y byddai ei ddarpariaeth nwyddau a gwasanaeth arfaethedig yn cael ei hamharu os byddai raid dibynnu ar gludiant cyhoeddus y bydd y Cyngor yn llacio'r gofyn hwn. Bydd yn parhau i ofyn bod datblygiad a leolir mewn adeilad arddangos mewn canolfan bresennol sy'n cynnig gwasanaethau newydd fel cludo i'r cartref am ddim ac efasnach yn parhau i gael ei leoli yn y canolfannau hynny sydd â chludiant cyhoeddus da iddynt. Mae'r Cyngor yn cydnabod hefyd bod gan rai datblygiadau tu allan i drefi rolau i'w chwarea a bydd angen cryn dipyn o hygyrchedd arnynt ond bydd y gofyn i'w lleoli yn y canolfannau sy'n bodoli eisoes yn dal i fod. Os nad yw hyn yn bosibl, rhaid i safleoedd eraill ar eu cyfer fod yr un mor hygyrch o ran amrywiaeth o ffyrdd o deithio.

6.3.5. Mae cymudwyr yn teithio mewn ceir yn un o'r prif ffynonellau o dagfeydd traffig a rhaid gweithredu pob mesur i gyfyngu ei dwf ac annog pobl i ddefnyddio cludiant cyhoeddus i deithio i'r gwaith. Felly, lleolir swyddfeydd a chynhyrchwyr tebyg eraill o deithiau i gymudwyr lle gall y rhwydweithiau presennol o gludiant cyhoedus ddarparu dewis effeithiol arall yn lle'r car preifat h.y. o fewn canol trefi fel arfer. Mae hyn yn arbennig o berthnasol i ganolfannau galwadau sy'n creu cryn dipyn o deithio i gymudwyr. Yn debyg, lleolir datblygiadau preswyl newydd lle bydd rhwydweithiau presennol, gwell neu arfaethedig o gludiant cyhoeddus, beicio a cherdded yn cynnig dewis effeithiol yn y ffordd mae pobl yn teithio.

6.3.6. Mewn ardaloedd gwledig, rhaid ystyried cadw neu greu cymunedau cynaliadwy gan gynnwys cyfleusterau fel siopau, ysgolion a swyddfeydd post. Rhaid i'r cyfleusterau hyn gynnwys cyfleoedd gwaith, yn enwedig wrth ystyried natur ansicr y diwydiant amaethyddiaeth. Felly, ni ddylai prinder cludiant cyhoeddus eithrio datblygiadau manwerthu, gwasanaeth neu gyflogaeth o faint priodol a fyddai'n bodloni anghenion lleol.

6.3.7. Mae beicio a cherdded yn ffyrdd o deithio nad ydynt yn achosi llygredd ac sydd o fudd i iechyd unigolyn. Mae annog beicio a cherdded fel ffyrdd o deithio'n elfennau pwysig o strategaeth cludiant y Cyngor. Yn realistig, fel ffordd o deithio yn hytrach na gweithgaredd hamdden, mae terfynau i'r pellter y gellir ystyried cerdded neu feicio fel dewis dilys. Ystyrir bod pellter o rhwng 2 filltir a 5 milltir ar gyfer cerdded a beicio'n rhesymol. Fodd bynnag, i fwyhau potensial beicio, bydd y Cyngor yn annog mesurau a chyfleusterau sy'n hybu beicio ar y cyd â chludiant cyhoeddus, yn enwedig trenau. Bydd y mesurau hyn yn cynnwys cyfleusterau parcio beiciau diogel mewn gorsafoedd trên, yng nghanol trefi a thu allan i sefydliadau addysg. Ystyrir lleoliad datblygiad arfaethedig o ran sut mae'n mwyhau potensial y ffyrdd cynaliadwy ac amgylcheddol dderbyniol hyn o deithio i fodloni anghenion ei ofynion mynediad.

6.3.8. Ynghyd â chyfiawnhau lleoliad, gofynnir i ddatblygwyr ddangos y datblygwyd strategaethau mynediad a gyflwynir i gefnogi eu cynigion gyda golwg ar ddarparu'r cyfleusterau cludiant mwyaf, yn gyson â natur, ffurf a maint y datblygiad mewn perthynas â cherdded, beicio a chludiant cyhoeddus. Fel hyn, sicrheir dewis o ffyrdd o deithio i ddefnyddwyr y datblygiad.

6.3.9. I gydymffurfio â pholisi T1,, gofynnir i gynigion datblygu gael eu cynllunio mewn ffordd sy'n hwyluso cerdded, beicio a chludiant cyhoeddus. Yn ychwanegol, gellir gofyn i ddatblygwr wella'r isadeiledd presennol.

6.3.10. GWELLIANNAU CYNALIADWY I'R FFYRDD PRESENNOL

POLISI T2

DYLID CYNNWYS ASESIAD CLUDIANT GYDA CHYNIGION AM DDATBLYGIAD MAWR NEU DDATBLYGIAD SY'N DEBYGOL O GYNYDDU NEU NEWID CYMERIAD TRAFFIG AR Y RHWYDWAITH YN SYLWEDDOL. OS YW HYN YN DANGOS Y BYDDAI CYNNIG YN CAEL EFFAITH DDRWG AR DDIOGELWCH Y FFYRDD NEU ANSAWDD YR AMGYLCHEDD A BYDDAI'N METHU I DDARPARU MYNEDIAD CYFLEUS O RAN DEWIS O DDULLIAU TEITHIO, DYLID ARCHWILIO A SICRHAU'R POSIBILRWYDD O ORESGYN Y PROBLEMAU DRWY DDARPARU'R CANLYNOL:

1. NODWEDDION DIOGELWCH Y FFYRDD;

2. CYFLEUSTERAU BEICIO;

3. SYMUDIADAU CERDDWYR;

4. CYFLEUSTERAU CLUDIANT CYHOEDDUS;

5. NODWEDDION RHEOLI CYFLYMDRA; A

6. GWELLIANNAU AMGYLCHEDDOL.

6.3.11. Dylai creu amgylchedd o ansawdd uchel ar y cyd â chyfleusterau am ddulliau eraill o gludiant a nodweddion diogelwch fod yn gyson â hygyrchedd boddhaol. Os yw'r Cyngor yn ystyried bod gofyn am welliannau i'r isadeiledd presennol er mwyn i ddatblygiad fynd yn ei flaen, gofynnir i'r datblygwr weithredu'r gwelliannau hynny i safonau uchel drwy ymdrin â materion diogelwch, annog ffyrdd eraill o deithio, gwella'r amgylchedd o ran ei ymddangosiad ac effaith; a chyfyngu atebolrwydd cynnal a chadw. Felly, o ran maint a natur datblygiadau arfaethedig, gweithredir yr ystyriaethau sy'n perthyn i gludiant ac a restrir dan bolisi T2.

6.3.12. Mae llawer o bobl yn cael eu rhwystro rhag gwneud siwrneiau ar feic neu ar droed oherwydd y problemau o groesi ffyrdd, traffig, sŵn, llygredd a phryderon am ddiogelwch. Disgwylir i ddatblygwyr sicrhau y darperir cyfleusterau beicio a cherdded diogel, a llwybrau tu mewn a thu allan i ddatblygiadau arfaethedig, er mwyn cael gwared ar y pryderon hyn a mwyhau'r defnydd o'r ffyrdd hyn o deithio i ac o'r datblygiad. Ni ddylai'r datblygiad ei hun fod yn rhwystr i'r ffyrdd hyn o deithio. Felly, lle mae hyn yn briodol, gofynnir i lwybrau beicio a cherdded ganiatáu llwybr diogel a dymunol drwy'r datblygiad. Dylai hyd yn oed y cynigion mwyaf bach gydweddu â diogelwch y ffyrdd a dylai hwyluso cyfleoedd mynediad priodol ar gyfer cerddwyr a beicwyr.

6.3.13. Bydd cynigion datblygu'n annog y rhaniad mwyaf posibl o blaid cludiant cyhoeddus a lywodraethir gan fysiau a disgwylir i ddatblygwyr hybu'r elfen hon mewn strategaethau mynediad mewn cysylltiad â chwmnïau lleol, a rhoi sylw penodol i ofynion siwrneiau gwaith a siwrneiau eraill. Rhaid i amlder y gwasanaeth ganiatáu i'r bws gyfateb â dymunoldeb y car preifat a disgwylir i ddatblygwyr ddarparu manylion o unrhyw wasanaethau ychwanegol a fydd eu hangen er mwyn gwireddu potensial cludiant cyhoeddus. Lle bydd angen, gofynnir i ddatblygwyr ddarparu arian i hybu'r gwasanaethau hyn i ddechrau a chychwyn ar gytundebau cyfreithiol orfodol i sicrhau y darperir y gwasanaethau hyn. Rhaid i ddyluniad datblygiadau unigol gynnwys mesurau a chyfleusterau i sicrhau bod cludiant cyhoeddus yn gallu symud yn effeithiol ac yn ddiogel o gwmpas y datblygiadau.

6.3.14. Ffurfia tacsis ran o'r rhwydwaith cludiant cyhoeddus hefyd a disgwylir i ddatblygwyr ddangos y gwnaed darpariaeth briodol ar gyfer eu gofynion hefyd.

6.3.15. Os yw gwasanaethau trên yn bosibl o ddatblygiadau arfaethedig, rhaid i ddatblygwyr ddarparu ac annog y rhaniad mwyaf posibl o blaid cludiant cyhoeddus sy'n seiliedig ar y rheilffyrdd. Disgwylir iddynt ddatblygu'r elfen hon o'u strategaethau mynediad mewn cysylltiad â'r cwmnïau trenau a rhoi sylw priodol i ofynion siwrneiau i'r gwaith a siwrneiau eraill. Rhaid i ddatblygwyr ddarparu cyfleusterau a theithiau diogel gyda'r bwriad o fwyhau'r defnydd o drenau.

6.3.16. Er ei fod yn ddymunol gwneud siwrneiau cyfan ar gludiant cyhoeddus, gall defnydd priodol o gynlluniau parcio a theithio sy'n gysylltiedig â rhwydweithiau bysiau neu drenau wneud cyfraniad sylweddol i gludiant mwy cynaliadwy drwy annog pobl i wneud rhannau o'r teithiau ar gludiant cyhoeddus. Bydd cyfraniad cynllun parcio a theithio o ran bodloni galwadau teithio o galyniad i gynigion datblygu'n ystyriaeth bwysig felly. Mewn amgylchiadau priodol, gofynnir i ddatblygwyr ddarparu cyfleusterau parcio a theithio a chynnig arian ychwanegol ar gyfer cludiant cyhoeddus yn ystod camau cynnar eu cynigion.

6.3.17. Mae gan unrhyw ddefnydd, gwelliant neu estyniad i'r rhwydwaith cludiant effaith ar yr amgylchedd. Felly, mae'r Cyngor yn asesu'n ofalus y ffordd y mae datblygiad yn effeithio ar y rhwydwaith hwnnw yn y fwrdeistref sirol. Os bydd datblygiad yn gwaethygu problemau amgylcheddol sy'n perthyn i gludiant neu'n creu rhai newydd (boed yn lleol neu ar hyd coridor strategol), gofynnir i ddatblygwyr ddarparu neu ariannu gwelliannau isadeiledd i ffwrdd o'r safle a/neu ffyrdd o weithio a fydd yn lleddfu'r problemau hynny. Os bydd angen, bydd angen dod i gytundebau cyfreithiol orfodol gyda'r Cyngor cyn dechrau ar y datblygiad.

6.3.18. Mae problemau amgylcheddol sy'n perthyn i gludiant yn cynnwys pethau fel tagfeydd, sŵn, llygredd awyr, dirgryniad, ymwthiad gweledol, tor-cysylltiad, risg neu risg ganfyddedig o ddamwain. Bydd natur a maint y problemau posibl hyn yn dibynnu ar yr ardal yr effeithir arni - e.e. a ydynt yn anheddiadau, yn gefn gwlad neu'n fannau masnachol sefydlog, ayb.

6.3.19. Mae'n ofyn cynllunio arferol i ddatblygwyr gyflwyno cynlluniau priodol o'u cynigion (gan gynnwys unrhyw fanylion technegol, gwybodaeth o arolygon ac astudiaethau perthnasol) er mwyn i'r Cyngor asesu effaith eu cynigion ar effeithiolrwydd y rhwydwaith cludiant. Fodd bynnag, bydd swm y wybodaeth sydd ei hangen yn amrywio yn ôl natur a maint y datblygiad arfaethedig. Er enghraifft, bydd un annedd ar safle cyfredol o fewn anheddiad benodedig yn mynnu datganiad o effaith syml oni bai ei fod wedi ei leoli mewn ardal sensitif (e.e. ardal gadwraeth). Bydd angen asesiad effaith cludiant cynhwysfawr ac archwiliad mynediad i gludiant cyhoeddus ar ddatblygiad mwy cymhleth neu fwy o ran maint er mwyn gallu asesu ei effaith lawn ar y rhwydwaith cludiant. Dylid datrys unrhyw amheuaeth ynghylch lefel y wybodaeth sydd ei angen drwy wneud 'astudiaethau maint' mewn ffordd y mae'r Cyngor wedi cytuno arni.

6.3.20. O ystyried amrywiaeth y problemau posibl a all godi, gallai natur y mesurau lleddfhu hanfodol fod yr un mor amrywiol, yn dibynnu, er enghraifft, ar ba goridorau strategol a effeithir. Bydd y Cyngor yn derbyn atebion y mae'n bosibl eu gwarantu gan gytundebau cyfreithiol orfodol, fel sy'n briodol, yn yr amgylchiadau hynny a/neu'n seiliedig ar ganlyniad asesiadau cludiant. Os yw asesiadau cludiant yn nodi bod angen gwelliannau ffyrdd neu gludiant cyn cychwyn ar ddatblygiad, bydd y Cyngor yn gorfodi darpariaeth am hyn ar ffurf amodau cynllunio. Fel arall, os yw'r problemau amgylcheddol sy'n gysylltiedig â chludiant yn debygol o beidio â chael eu datrys a/neu eu lleddfu, ni chaniateir y datblygiadau hynny.

6.4. Y Rhwydwaith Cludiant

6.4.1. Mae rhwywaith cludiant effeithiol a gweithredol yn hanfodol i economi'r fwrdeistref sirol, felly ni chaniateir datblygiad sy'n effeithio'n ddrwg ar effeithiolrwydd y rhwydwaith hwnnw. Gofynnir i ddatblygwyr ddangos na fydd eu cynigion yn cael effaith ddrwg ar effeithiolrwydd y rhwydwaith lleol ac mewn perthynas â'r coridor strategol. Felly, bydd y Cyngor archwilio'r ffactorau canlynol sy'n berthnasol i gyflwyniadau: mynediad, diogelwch y ffyrdd, symudiadau cerddwyr a beicwyr, traffig ychwanegol, parcio, cynllun y ffyrdd, cludiant cyhoeddus a materion amgylcheddol sy'n gysylltiedig â chludiant.

6.4.2. Os penderfynir y byddai datblygiad arfaethedig yn gwaethygu neu'n creu problemau i'r rhwydwaith cludiant, naill ai'n lleol neu ymhellach i ffwrdd e.e. gan effeithio ar goridor cludiant strategol, gofynnir i ddatblygwyr ddarparu a/neu ariannu gwelliannau priodol i ffwrdd o'r safle a gwneud unrhyw fesurau eraill, drwy drefniadau gwaith, i leddfu'r problemau hynny er boddhad y Cyngor. Cynhyrchir cytundebau cyfreithiol priodol, os bydd angen; fel arall, ni chaniateir y cynigion hyn.

6.4.3. Gall natur y problemau cludiant, sy'n cael eu gwaethygu neu eu creu gan gynigion datblygu, fod yn amrywiol. Er enghraifft, gallant berthyn i allu ffyrdd neu gyffyrdd, risg o ddamweiniau, prinder cyfleusterau i gerddwyr a beicwyr, cludiant cyhoeddus cyfyng neu fwy o draffig trwm. Bydd lefel yr ystyriaeth a roddir i'r materion amrywiol hyn yn dibynnu ar yr amgylchedd lle disgwylir i'r traffig deithio. Er enghraifft, os gofynnir i'r traffig deithio drwy ardaloedd preswyl neu os ydynt yn mynd heibio i ysgolion neu ganolfannau manwerthu lle mae llawer o bobl yn cerdded, rhoddir blaenoriaeth i fwy o'r materion hynny a restrir uchod na phe bai ardaloedd llai sensitif yn cael eu heffeithio.

Freight Transport, mail rail network

6.4.4. O ystyried amrywiaeth y materion a allai godi, bydd natur y mesurau i leddfu'r problemau'r un mor amrywiol. Felly, gall natur unrhyw welliannau i ffwrdd o'r safle y gofynnir i ddatblygwr eu gwneud fod yn wahanol iawn. Yn dibynnu ar ba goridor strategol sy'n cael ei effeithio, mae'n bosibl na fydd unrhyw effaith leol. Mae'n bosibl na fydd gwelliannau corfforol yn unig fod yn ddigon i ddatrys rhai problemau cludiant. Yn yr achosion hyn, rhaid chwilio am atebion eraill e.e. cynlluniau rheoli traffig, ailddyrannu ffyrdd neu gefnogi cludiant cyhoeddus. Dylid ystyried atebion eraill, fel sicrhau bod datblygiad yn mabwysiadu patrymau gwaith priodol i gyfyngu ei effaith ar y rhwydwaith neu ddefnyddio trenau i gyflenwi a dosbarthu nwyddau. Bydd y Cyngor yn atodi'r amodau priodol at unrhyw ganiatâd cynllunio dilynol. Bydd y Cyngor yn ystyried atebion eraill i'r problemau amgylchedd neu gludiant hynny a bydd yn mynd i gytundeb cyfreithiol orfodol (a allai fod yn gymwys ar gyfer holl ddefnyddwyr y safle yn y dyfodol) er mwyn sicrhau hyn.

6.4.5. DEFNYDDIO TRENAU I SYMUD NWYDDAUU

POLISI T3

FFAFRIR DATBLYGIAD SY'N ANNOG Y DEFNYDD O DRENAU, GAN GYNNWYS TRENAU I GLUDO NWYDDAU.

6.4.6. Dymuna'r Cyngor chwarae rhan mewn gwella a datblygu cludiant cyhoeddus sy'n seiledig ar y rheilffyrdd gan fod ganddo'r potensial i leihau defnydd pobl o'u ceir. Bydd cadw a gwella cyfleusterau i deithwyr mewn gorsafoedd trên a chreu cyfleusterau newydd yn hanfodol er mwyn gwireddu potensial llawn y rhwydwaith rheilffyrdd.

6.4.7. Mae'r rheilffyrdd yn adnodda gwerthfawr a dylid ei ddatblygu er mwyn sicrhau ei fod yn cludo mwy o nwyddau. Bydd hyn yn lleddfu pwysau ar y ffyrdd ac yn dod â buddion amgylcheddol perthynol. Mae'r Cyngor yn cefnogi estyn gwaith cludo ar drenau felly.

6.4.8. Bydd y Cyngor yn annog cyfleoedd i wella neu ddatblygu'r rheilffyrdd at ddibenion cludiant cyhoeddus a chludo nwyddau a bydd yn ffafrio datblygiadau a fydd yn gwneud y mwyaf a/neu sy'n gysylltiedig â'r rhwydwaith rheilffyrdd.

6.4.9. AIL-AGOR NEU AILDDEFNYDDIO HEN REILFFYRDD GWAG

POLISI T4

NI CHANIATEIR DATBLYGIAD SY'N RHWYSTRO'R POTENSIAL I AIL-AGOR NEU AILDDEFNYDDIO HEN REILFFYRDD GWAG AT DDIBENION CLUDIANT ERAILL.

6.4.10. Mae pedwar o'r coridorau cludiant a nodir ym mholisi T13 yn gysylltiedig ag elfennau o hen reilffyrdd sydd wedi cau, sy'n rhedeg o Bîl i Borthcawl; ar hyd cymoedd Garw ac Ogwr; ac o Frynmenyn i Lanharan. Ailddatblygwyd darnau o'r rheilffyrdd hyn eisoes fel llwybrau cymunedol a bydd darnau eraill (nad ydynt wedi eu rhaglennu ar gyfer defnydd cludiant arall eto) yn cael eu hasesu i weld beth yw eu potensial. Mae polisi T4 yn sicrhau y diogelir y rheilffyrdd gwag sydd wedi cau rhag datblygiadau nad ydynt yn gysylltiedig â chludiant, hyd nes i'r asesiadau priodol gael eu cyflawni. Fodd bynnag, mewn ardaloedd lle dyrannwyd tir cyfagos ar gyfer datblygiad, bydd yn ddymunol gweld beth yw dichonoldeb cynnwys yr hen reilffordd wag yn y gofynion cludiant arfaethedig ar gyfer y datblygiad hwnnw.

6.4.11. DATBLYGIAD O FEWN CORIDORAU RHEILFFYRDD

POLISI T5

NI CHANIATEIR DATBLYGIAD O FEWN CORIDORAU RHEILFFYRDD A FYDD YN ATAL GWELLA'R RHWYDWAITH RHEILFFYRDD I DDIWALLU AR GYFER CLUDIANT CYHOEDDUS A CHLUDO NWYDDAU.

6.4.12. Ystyria'r Cyngor y cyfleusterau rheilffyrdd presennol a'r rhwydwaith yn y fwrdeistref sirol i fod yr isafswm lefel o wasanaeth ac ni fydd yn derbyn unrhyw ostyngiad yn y gwasanaeth hwnnw. Mae'r Cyngor wedi adnabod teithiau ar y rhwydwaith rheilffyrdd cenedlaethol yn y fwrdeistref sirol fel coridorau rheilffyrdd sy'n cynnwys: traciau, gorsafoedd a mynediad iddynt, cyfleusterau parcio a theithio a'r ardal o gwmpas. Bydd y coridorau hyn yn annog lleoli cyflogaeth leol ac yn ffurfio sail ar gyfer buddsoddi mewn cludiant yn y dyfodol.

6.4.13. DATBLYGIAD SY'N EFFEITHIO AR GORIDOR YR M4 A'I GYFFYRDD

POLISI T6

CANIATEIR DATBLYGIAD A FYDDAI'N EFFEITHIO AR EFFEITHIOLRWYDD TRAFFORDD YR M4 A/NEU EI CHYFFYRDD DIM OND OS GELLIR SICRHAU MESURAU LLEDDFU PRIODOL.

6.4.14. Mae'r darn o'r M4 yn y fwrdeistref sirol yn rhan o'r Rhwydwaith Traws-Ewropeaidd yn rhedeg o Bont Môr Hafren i Orllewin Cymru ac mae'n ffurfio rhan o'r cyswllt strategol rhwng Iwerddon, Llundain a gweddill Ewrop. Rhoddir pwysigrwydd arbennig i'r rhwydweithiau hyn (ar y cyd â chronfeydd strwythurol a pholisi amgylcheddol) yn y Perspectif Datblygiad Gofodol Ewropeaidd (1999) gan eu bod yn effeithio'n uniongyrchol ar weithgareddau datblygu yn rhanbarthau Ewrop. Mynegwyd pryderon ynghylch y difrod i'r economi yn ei chyfanrwydd os caniateir i dagfeydd traffig gael effaeith ddrwg ar y coridor hwn. Mae'r tagfeydd hyn yn fwy sylweddol ar gyffyrdd traffordd yr M4.

6.4.15. Bydd y Cyngor yn asesu pob cynnig datblygu ar hyd coridor (y Rhwydwaith Traws-Ewropeaidd) yr M4 i sicrhau na fyddant yn effeithio ar effeithiolrwydd traffordd yr M4, yn arbennig cyffyrdd 35, 36 a 37 yn y fwrdeistref sirol. Oherwydd y pryderon hyn, nodwyd cyffyrdd 35 a 36 eisoes ar gyfer gwelliannau sy'n perthyn i ddatblygiadau yn y CDU (cyfeirier at bolisïau T14(5) a T14(13).

6.4.16. Ni chaniateir datblygiadau newydd a/neu estyn datblygiadau presennol sy'n cynnwys mynediad arfaethedig ar neu ger cyffyrdd y draffordd felly, oni bai y gellir gosod mesurau lleddfu priodol i ymdrin ag unrhyw effeithiau drwg; a/neu gellir dangos bod y rhwydwaith cludiant yn gallu ymdopi ag effaith traffig y cynigion hynny.

On street Parking, Penybont Road, Pencoed

6.5. Parcio

6.5.1. DATBLYGU MANNAU PARCIO DIBRESWYL PREIFAT I GEIR

POLISI T7

FFAFRIR DATBLYGIAD SY'N CEISIO AILDDATBLYGU NEU AILDDEFNYDDIO MANNAU PARCIO DIBRESWYL PREIFAT, YN ENWEDIG MEWN ARDALOEDD LLE MAE DIGON O GLUDIANT CYHOEDDUS.

6.5.2. Mae lle i barcio ceir yn ddylanwad mawr ar ddewisiadau teithio a gall fod yn ffactor pwysicach na lefel gymharol y ddarpariaeth o gludiant cyhoeddus. Felly, os yw strategaeth y Cyngor i annog symud tuag at ffurfiau mwy cynaliadwy o deithio'n mynd i lwyddo, mae'n bwysig rheoli'r stoc parcio gyfan, gan gynnwys parcio preifat dibreswyl, yn ofalus. Pan fydd y cyfle'n codi, bydd rheoli mannau parcio dibreswyl preifat yn dod o dan gwmpas strategaeth parcio'r Cyngor. Felly, bydd y Cyngor yn ffafrio cynigion sy'n cynnwys ailddatblygu mannau presennol o barcio dibreswyl gyda golwg â gwneud y ddarpariaeth yn gyson â safonau presennol ar gyfer parcio ceir.

6.5.3. MANNAU PARCIO ANWEITHREDOL O FEWN ARDALOEDD MASNACHOL SEFYDLOG

POLISI T8

NI CHANIATEIR MANNAU PARCIO ANWEITHREDOL O FEWN CWRTIL DATBLYGIAD NEWYDD YN Y CANOLFANNAU MASNACHOL SEFYDLOG.

6.5.4. Mae'r Cyngor yn ceisio annog pobl i ddefnyddio ffyrdd eraill o deithio i ganolfannau masnachol sefydlog y fwrdeistref sirol hefyd. Seilir darpariaeth yn y dyfodol ar anghenion yr ardal gyfan yn hytrach nag ar ddarpariaeth benodedig ar gyfer datblygiadau unigol. Hybir darparu mannau parcio i ffwrdd o'r stryd i'w rhannu rhwng defnyddiau tir hefyd.

6.5.5. Bydd y Cyngor yn gofyn i ddatblygwyr asesu gofynion mynediad eu cynigion a dangos yr angen am gyfleusterau cludiant cyhoeddus a mannau parcio anweithredol ar gyfer eu datblygiadau yn eu strategaethau mynediad. Mae parcio anweithredol yn barcio sy'n darparu ar gyfer anghenion parcio'r rhai nad yw eu defnydd o gerbyd yn hanfodol ar gyfer gweithrediad datblygiad defnydd tir. Ar sail yr asesiadau hynny, gofynnir i ddatblygwyr ddarparu mesurau cludiant eraill i ddiwallu ar gyfer effaith y mwyafswm safonau parcio i ffwrdd o'r stryd. Bydd y mesurau hyn yn lleddfu effaith y datblygiadau hyn drwy hybu cludiant cyhoeddus, beicio, cerdded, diogelu ardaloedd preswyl rhag materion parcio ar y stryd a, lle'n briodol, yn gwella cyfleusterau parcio mewn canolfannau masnachol sefydlog.

6.5.6. MANNAU PARCIO ANWEITHREDOL TU ALLAN I GANOLFANNAU MASNACHOL SEFYDLOG

POLISI T9

CYFYNGIR AR DDARPARIAETH BARCIO ANWEITHREDOL YN LLYM MEWN PERTHYNAS Â DATBLYGIADAU A LEOLIR TU ALLAN I'R CANOLFANNAU MASNACHOL SEFYDLOG.

6.5.7. Bydd y Cyngor yn cyhoeddi gofynion manwl am safonau parcio ar ddatblygiadau newydd fel Cyfarwyddyd Cynllunio Atodol i'r CDU ymhen amser. Bydd yn defnyddio'r canllawiau hyn i sefydlu gofynion parcio anweithredol holl ddatblygiadau newydd. Dangoswyd bod darparu mannau parcio i geir ar ddatblygiad wedi bod yn ddylanwad mawr ar ddewisiadau teithio pobl. Mae Cynulliad Cenedlaethol Cymru'n cynghori awdurdodau lleol i ystyried lleihau lefelau parcio sydd eu hangen lle mae ffyrdd eraill o deithio ar gael.

6.5.8. Bydd y Cyngor yn gofyn i ddatblygwyr safleoedd tu allan i ganolfannau masnachol sefydlog ddangos bod eu cynigion yn mwyhau ffyrdd o deithio mwy cynaliadwy. Byddant yn cynnwys manylion o unrhyw isadeiledd newydd a gynigir fel rhan o'r datblygiadau hynny ond unrhyw gyllid sydd ei angen er mwyn gwireddu potensial safle o ran cludiant cyhoeddus. Ar ôl nodi sut y gellir bodloni galwadau teithio sy'n deillio o'u datblygiadau, gofynnir i ddatblygwyr ddarparu asesiadau dros ben o unrhyw anghenion y bydd ceir preifat yn gallu eu bodloni. Bydd y Cyngor yn asesu strategaethau mynediad datblygwyr ac yn penderfynu ar y lefelau priodol ond cyfyng o fannau parcio ceir a ganiateir ar gyfer y datblygiadau hynny.

6.5.9. Bydd y Cyngor yn gweithredu polisi T9 hefyd er mwyn ategu at ddymunoldeb a chystadleuaeth canolfannau masnachol sefydlog y fwrdeistref sirol drwy sicrhau nad yw darpariaeth anweithredol ar gyfer datblygiadau tu allan i'r canolfannau hynny'n peryglu'r ddarpariaeth ar gyfer y canolfannau sefydlog.

6.6. Cludiad

6.6.1. PARCIO ARFAETHEDIG I LORÏAU

POLISI T10

CANIATIEIR DATBLYGU SAFLEOEDD YCHWANEGOL AR GYFER PARCIO LORÏAU MEWN MANNAU STRATEGOL YN Y FWRDEISTREF SIROL OS:-

1. GELLIR DANGOS EU BOD YN UNOL AG AMCANION CLUDIANT CYNALIADWY;

2. NAD YDYNT YN ACHOSI PRYDERON AMGYLCHEDDOL; AC OS

3. NAD YDYNT YN PERYGLU'R AMWYNDERAU PRESENNOL.

6.6.2. Mae'r gwasanaethau traffordd ym Mharc Sarn ar gyffordd 36 o'r M4 yn darparu lle i barcio lorïau, ynghyd â lluniaeth a llety dros nos ar gyfer teithwyr. Er mwyn atal pobl rhag defnyddio cilffyrdd, meysydd parcio a mannau amhriodol eraill i barcio lorïau a llwythi, bydd y Cyngor ond yn ffafrio cynigion i ddatblygu parciau lorïau ychwanegol ar safleoedd priodol yn y fwrdeistref sirol. Felly, bydd y defnydd arfaethedig yn unol â'r holl amcanion a pholisïau cludiant cynaliadwy a geir yn y Cynllun ac ni ddylai greu pryderon amgylcheddol na pheryglu'r amwynderau sy'n bodoli eisoes.

6.6.7. LLEDDFU SYMUDIADAU CLUDIAD AR YR AMGYLCHEDD

POLISI T11

FFAFRIR DATBLYGIAD NEU ESTYNIAD I DDATBLYGIAD MEWN ARDALOEDD A FYDD YN CREU A/NEU'N DENU MWY O SYMUDIADAU NWYDDAU:-

1. SY'N HAWDD MYND ATYNT; AC

2. SY'N CAEL YR EFFAITH LEIAF AR YR AMGYLCHEDD; NEU

3. SY'N DEFNYDDIO'R RHWYDWAITH RHEILFFYRDD I SYMUD NWYDDAU.

BWRIEDIR ADEILADU GORSAF CLUDO NWYDDAU YM MROCASTELL, PEN-Y-BONT AR OGWR.

6.6.8 Mae'r gallu i gludo nwyddau'n effeithiol ac yn ddibynadwy'n hanfodol bwysig i economi'r fwrdeistref sirol. Felly, gofynnir i ddatblygiad sy'n creu traffig ar ffurf lorïau leoli mewn mannau y mae'n hawdd eu cyrraedd a lle bydd llai o effaith ar yr amgylchedd. Mae hyn yn arbennig o bwysig ar gyfer cludo ar ffyrdd ar hyd coridorau'r cymoedd y manylir arnynt ym mholisi T13. Ffafrir datblygiadau sy'n ffafrio cludo nwyddau ar drenau er mwyn lleihau'r effaith ar yr amgylchedd hefyd. Yn achos cludo ar ffyrdd, mae sawl cyfle derbyniol yn bodoli yn y fwrdeistref sirol a chyfeirir at y rhain yn hwyrach ym mholisi T13 lle ystyrir coridorau cludiant.

Lorry Park, Sarn Services

6.6.9 Wrth gydnabod angen diwydiant a masnach lleol i symud rhai nwyddau ar ffyrdd y fwrdeistref sirol, bydd y Cyngor yn ceisio mynd i gytundebau gwirfoddol gyda'r gymuned fusnes a'r cwmnïau lorïau dan sylw, gyda golwg ar gyfyngu'r defnydd o ffyrdd anaddas os oes ffyrdd eraill neu ddewisiadau eraill yn bodoli. Ategir at y cytundebau hyn, lle bydd angen, gan orchmynion rheoli traffig y ffyrdd. O ran y rheilffyrdd, mae'r Cyngor yn cefnogi defnyddio ac estyn rhwydwaith rheilffyrdd y fwrdeistref sirol er mwyn cludo nwyddau. Yn wir, bydd mynnu defnyddio trenau ar gyfer symud a chludo nwyddau'n ffafrio rhai cynigion datblygu a fyddai'n cael eu hystyried yn annerbyniol mewn egwyddor fel arall.

6.7. Hawliau Tramwy Cyhoeddus

6.7.1. DATBLYGIAD SY'N EFFEITHIO AR HAWLIAU TRAMWY CYHOEDDUS

POLISI T12

NI CHANIATEIR CYNIGION DATBLYGU NAD YDYNT YN DIWALLU AR GYFER 'HAWLIAU TRAMWY CYHOEDDUS' AR DDATBLYGIADAU NEWYDD A/NEU NAD YDYNT YN DIOGELU'R RHWYDWAITH PRESENNOL AT DDEFNYDD Y CYHOEDD.

6.7.2. Mae 'hawliau tramwy cyhoeddus' fel y cyfeirir atynt ym mholisi T12 yn perthyn i ffyrdd nad ydynt yn cario cerbydau ac maent yn cynnwys llwybrau troed, llwybrau ceffyl, is-ffyrdd sy'n agored i draffig a lonydd beicio: pob un ohonynt yn ffyrdd statudol.

6.7.3. Roedd llwybrau troed a cheffyl yn ffordd hanfodol o fynd i'r gwaith, ymweld â thylwyth a ffrindiau a chyrraedd sawl gweithgaredd arall yn draddodiadol. Heddiw, gwneir llawer o'r siwrneiau hyn mewn car neu ar ffurf arall o gludiant a gwelir y cyfleusterau hyn felly fel ased hamdden. O fewn cyd-destun cludiant cynaliadwy, mae'n bwysig annog cerdded, fel ffordd o deithio; felly, dylid diogelu a datblygu cyfleusterau i gwrdd ag anghenion y cerddwr. Bydd y Cyngor yn diogelu 'hawliau tramwy cyhoeddus' o blaid cerdded fel ffordd o symud o gwmpas.

6.7.4. Bydd llwybrau ceffyl yn cael eu diogelu hefyd yng nghyd-destun cludiant gan eu bod yn hawliau tramwy i'r cyhoedd gerdded neu farchogaeth ar eu hyd ac maent yn cyfrannu at gyfleusterau sy'n annog cerdded felly.

6.7.5. Rhaid i ddatblygiadau ddiwallu ar gyfer yr hawliau presennol drwy naill ai ddiogelu'r hawl dramwy neu drwy gynnig taith sydd yr un mor effeithiol. Yn y naill achos, rhaid drin yr hawl dramwy dan sylw mewn ffordd sy'n darparu amgylchedd diogel a dymunol i bob cerddwr ac a fydd yn annog pobl i'w defnyddio yn y dyfodol.

6.7.6. Yn debyg i gerdded, nid yw beicio'n creu llygredd ac mae'n ffordd gynaliadwy o gludo y dylid ei hannog. Rhaid i ddatblygiadau ddiwallu ar gyfer lonydd beicio hefyd drwy ddiogelu'r lonydd presennol neu drwy gynnig lonydd effeithiol eraill sy'n ddiogel a dymunol i'w defnyddio.

6.8. Coridorau Cludo

6.8.1. DATBLYGU AR GORIDORAU CLUDO

POLICY T13

NODIR Y CORIDORAU CLUDO CANLYNOL FEL Y PRIF FFYRDD YN Y FWRDEISTREF SIROL AR GYFER SYMUD POBL A NWYDDAU. NI CHANIATEIR DATBLYGIADAU A FYDDAI'N:-

(A) EFFEITHIO'N DDRWG AR SYMUDIADAU DIOGEL AC EFFEITHIOL AR Y CORIDORAU HYN A/NEU A FYDDAI'N

(B) CREU NEU'N GWAETHYGU NIWED I'R AMGYLCHEDD AR EU HYD; AC NA FYDDAI'N

(C) BOSIBL LLEDDFU'R EFFEITHIAU HYN.

MAE'R CORIDORAU FEL A GANLYN:

T13(1) M4;
T13(2) LLYNFI;
T13(3) GARW;
T13(4) OGWR;
T13(5) PÎL-ABERCYNFFIG;
T13(6) A473-A48;
T13(7) CYLCHFAN WATERTON-LALESTON;
T13(8) A4106-A4229;

6.8.2. Gan fod angen ystyried pob ffordd o symud a theithio, cysylltiadau cludiant ac isadeiledd ar hyd llwybrau cludo yng nghyd-destun nodweddion topograffig y fwrdeistref sirol (yn enwedig ei chymoedd a chynllun presennol y rhwydwaith ffyrdd), mae'n hanfodol ystyried symudiadau o fewn yr ardal ar sail coridorau strategol. Mae'r ffordd hon o ystyried rhwydwaith cludiant presennol yr Awdurdod, a'i effaith ar ddatblygiadau, yn adlewyrchu'r gwir sefyllfa'n gywirach.

6.8.3. Mae'r ymagwedd hon yn caniatáu i ni reoli a dyrannu'r rhwydwaith ffyrdd presennol yn fwy effeithiol; er enghraifft, gellir asesu lleoliad cynigion datblygu a'u galwadau ar safonau cludiant ac amgylcheddol. Mae hyn yn arbennig o bwysig wrth asesu cynigion datblygu ar goridorau'r cymoedd lle mae ansawdd y rhwydwaith cludiant yn amrywio'n fawr a lle nad oes ffyrdd cludo eraill ar gael fel arfer.

6.8.4. Bydd y safonau i'w hystyried yn cael eu cyfyngu i allu traffig, sy'n cael ei benderfynu gan led a chyfliniad y ffyrdd a chyffyrdd. Ystyrir ffactorau fel y flaenoriaeth i'w rhoi i gerddwyr, beicwyr a chludiant cyhoeddus, penodiadau ardaloedd cadwraeth, ardaloedd preswyl, parcio ar y stryd, lleoliad ysgolion ac ysbytai, sŵn, ansawdd awyr a'r risg o ddamweiniau hefyd. Bydd y ffactorau hyn yn helpu i asesu'r gallu mwyaf posibl a natur y cerbydau sy'n cydweddu â'r safonau amgylcheddol derbyniol sy'n gysylltiedig â materion cludiant.

6.8.5. Rheolir y coridorau er mwyn hyrwyddo cludiant cyhoeddus, beicio a cherdded, yn enwedig gan fod hyn yn perthyn i siwrneiau i'r gwaith. Cydnabuwyd eisoes fod symud a chludo nwyddau mewn ffordd effeithiol a dibynadwy'n bwysig iawn i economi'r fwrdeistref sirol. Felly, gofynnir i ddatblygiad sy'n creu symudiadau lorïau leoli i ardaloedd y mae'n hawdd eu cyrraedd a lle na fydd llawer o effaith ar yr amgylchedd oherwydd y symudiadau hyn. Mae hyn yn arbennig o bwysig i goridorau'r cymoedd fel y cyfeiriwyd atynt yn flaenorol.

6.8.6. Maen manylion o'r coridorau a nodir ym mholisi T13 fel a ganlyn:-

1. Coridor yr M4

6.8.7. Mae'r coridor hwn yn cynnwys prif rhwydwaith ffyrdd a rheilffyrdd strategol De Cymru h.y. traffordd yr M4 a'r brif reilffordd o Paddington i Abergwaun, gan gynnwys y brif orsaf ym Mhen-y-bont ar Ogwr. Er ei bod yn gyfrifoldeb Llywodraeth Cynulliad Cymru, mae traffordd yr M4 yn gwasanaethu anghenion strategol y fwrdeistref sirol hefyd ac yn gweithredu fel cyswllt effeithiol o'r dwyrain i'r gorllewin. O ystyried ei statws fel rhwydwaith traws-Ewropeaidd (TERN) a'i phwysigrwydd i Dde Cymru i gyd, mae'n hanfodol bod y Cyngor a'r awdurdodau cyfagos yn cydweithio gyda Llywodraeth Cynulliad Cymru i reoli traffordd yr M4 yn effeithiol.

6.8.8. Bydd y Cyngor yn asesu pob cynnig datblygu ar hyd coridor yr M4 i sicrhau nad ydynt yn cael effaith ddrwg ar effeithiolrwydd y draffordd, yn enwedig cyffyrdd 35, 36 a 37. Nodwyd cyffordd 36 ar gyfer gwelliannau sy'n perthyn i ddatblygiadau ym mholisi T14(5).

6.8.9. Y coridor hwn sy'n cynnig y cyfle gorau i gefnogi datblygiadau sy'n cynhyrchu symudiadau lorïau gan ei fod yn hawdd mynd ato a gellir lleihau effaith y cludiadau ffyrdd ar yr amgylchedd, os yw'n bosibl adnabod lleoliadau priodol a gwelliannau i'r ffyrdd.

6.8.10. Bydd raid ystyried unrhyw ddatblygiadau sy'n effeithio'n uniongyrchol ar gyffyrdd traffordd yr M4 yn y fwrdeistref sirol yn ofalus iawn. Mae datblygiad â mynediad uniongyrchol sy'n agos iawn i'r cyffyrdd hynny'n debygol o gael effaith ddrwg ar eu heffeithiolrwydd a gallai hyn gael effaith negyddol ar y fwrdeistref sirol gyfan a goblygiadau posibl i Dde Cymru hefyd. Felly, bydd y Cyngor yn gwrthwynebu datblygiadau fel y rhain oni bai y gellir dangos y gall y draffordd a'i chyffyrdd ymdopi ag effaith traffig y cynigion yn y tymor byr neu'r tymor hir.

6.8.11. Cyfrifoldeb Network Rail yw'r brif reilffordd drwy Dde Cymru ond mae'n gyswllt strategol arall yn y fwrdeistref sirol y mae angen ei ddiogelu. Bydd y Cyngor yn ffafrio datblygiadau a mesurau rheoli a fydd yn annog cymudwyr a chludiad i'w ddefnyddio felly (gweler polisi T11).

2. Coridor Llynfi

6.8.12. Mae coridor Llynfi yn seiliedig ar y brif ffordd A4063 sy'n rhedeg o ffin ogleddol y fwrdeistref sirol drwy anheddiadau Cwm Llynfi uchaf, gan gynnwys Maesteg, i ymuno â choridor Pîl-Abercynffig yn Abercynffig. O fan yma, mae'r coridor yn parhau i ddilyn yr A4063 i'r de i ganol tref Pen-y-bont ar Ogwr ac i'r dwyrain ar hyd Cyswllt Sarn i gyrraedd cyffordd 36 o'r M4. Mae'r coridor yn cynnwys rheilffordd Maesteg i Ben-y-bont ar Ogwr hefyd.

6.8.13. Mae natur yr A4063 yn amrywio wrth iddi deithio i lawr coridor Llynfi. O'r gogledd, wrth basio drwy Gaerau, Nantyffyllon, canol tref Maesteg a Phont Rhyd-y-Cyff, mae ei safon yn gyfyng a cheir mateiron amgylcheddol sy'n perthyn i gludiant. Ymhellach i'r de, mae cyfliniad yr A4063 yn gwella, yn enwedig o'r Melinau Papur i Goytrahen. Fodd bynnag, drwy bentref Coytrahen a than y bont reilffordd lle mae'r A4063 yn cwrdd â'r A4065, mae cyfliniad a safon y ffordd, agosrwydd eiddo preswyl a mynediadau i eiddo'n cyfyngu ar allu'r ffordd ac, unwaith eto, mae materion amgylcheddol sy'n perthyn i gludiant yn cael eu codi. O bont y rheilffordd ar hyd Cyswllt Sarn i gyffordd 36, mae'r ffordd yn dda â llai o faterion amgylcheddol. O'r bont i ganol tref Pen-y-bont ar Ogwr, mae'r ffordd o safon dda'n gyffredinol. Fodd bynnag, mae rhai problemau mewn perthynas â'r ysbyty, y gallu i weld yn dda a chyffyrdd eraill.l.

6.8.14. Mae cyfle i wella a rheoli'r coridor hwn o ran y materion amgylcheddol sy'n perthyn i gludiant. Fodd bynnag, bydd y materion gallu o ran symudiadau'n dal i fodoli ac nid yw'n bosibl eu hosgoi. Un safle mawr nad yw'n cael ei effeithio gan y cyfyngiad hwn ond sy'n mynnu gwaith yw'r tir i'r gorllewin o Heol Maesteg (sy'n cynnwys yr hen waith haearn), Tondu (cyfeirier at bolisi REG3(3) ac ymdrinnir â'r mynediad iddo dan bolisi T14(8).

M4 Corridor, north of Bridgend

6.8.15. Ystyrir datblygiadau a wasanaethir gan y ffyrdd, nid yn unig o ran sut fyddant yn effeithio ar yr ardal leol ond o ran eu heffaith ar y coridor i'r gogledd a'r i'r de'n arbennig, wrth i gerbydau deithio tuag at goridor yr M4.

6.8.16. Mae'r rheilffordd o Faesteg i Ben-y-bont ar Ogwr yn brif ased i'r coridor a gellir ei defnyddio i symud cymudwyr a nwyddau. Felly, mae'r cyfle i ddatblygu o fewn y coridor yn sylweddol a bydd y Cyngor yn annog hyn er mwyn mwyhau ei fuddion posibl.

3. Coridor Garw

6.8.17. Seilir coridor Garw'n bennaf ar y brif ffordd A4064 sy'n rhedeg i'r de o anheddiad Blaengarw gan basio drwy Bontycymer a Llangeinor. Ymhellach i'r de, mae'r ffordd yn rhannu ac, fel yr A4065, mae'n pasio drwy Ynysawdre, yn ymuno â choridor Llynfi ger bont y rheilffordd yn Abercynffig ac ymuno â choridor Ogwr ar ei gyffordd â'r A4061.

6.8.18. Er bod natur yr A4064 yn amrywio wrth iddi redeg ar hyd y coridor, mae ei safon yn gyffredinol gyfyng ac mae hyn yn creu problemau amgylcheddol sy'n perthyn i gludiant. Mae cyfle i reoli a gwella'r coridor ond ychydig o botensial sydd i gynyddu ei allu a bydd hyn yn gyfyngiad mawr felly. Y ddwy ardal gyflogaeth ar hyd y coridor hwn sy'n dioddef o lai o gyfyngiadau gallu yw ystadau diwydiannol Abergarw a Brynmenyn. Fodd bynnag, mae'r ddau safle'n creu problemau amgylcheddol sy'n perthyn i gludiant ar goridor Ogwr.

6.8.19. Ystyrir datblygiadau a wasanaethir gan y ffyrdd, nid yn unig o ran sut fyddant yn effeithio ar yr ardal leol ond o ran yr effaith gludiant ar y coridor tua'r gogledd ac, yn arbennig, tua'r de wrth i gerbydau deithio tuag at goridor yr M4.

4. Coridor Ogwr

6.8.20. Seilir coridor Ogwr yn bennaf ar y brif ffordd A4061 sy'n dechrau o ffin ogleddol y fwrdeistref sirol â Bwrdeistref Sirol Rhondda Cynon Taf ac yna'n rhedeg i'r de drwy anheddiadau Nantymoel, Pricetown, Bro Ogwr, Lewistown, Pantyrawel, Blackmill a Bryncethin. Mae'n croesi traffordd yr M4 ar gyffordd 36, yn mynd ar hyd ffordd ddosbarthu ogleddol Pen-y-bont ar Ogwr ac yn gorffen yng nghanol tref Pen-y-bont ar Ogwr. Mae'r coridor yn cynnwys y brif ffordd A4093 sy'n rhedeg i'r dwyrain o Blackmill i'r ffin â Rhondda Cynon Taf.

6.8.21. Mae natur yr A4061 yn amrywio wrth iddi redeg ar hyd coridor Ogwr yn pasio drwy ardaloedd trefol â mynedfeydd i flaenau eiddo, ardaloedd preswyl ac ardaloedd gwledig. Mae safon y ffordd yr un mor amrywiol, yn newid o lôn gul i ffordd ddeuol.

6.8.22. Mae cyfle I reoli a gwella’r Coridor ar yr A4061 a’r A4093 o ran materion amgylcheddol sy’n berthnasd I gludiant. Fodd bynnag, ceir amryw o leoliadau ar hyd y ffordd lle mae materion amgylcheddol sy’n berthnasol I gludiant a chyfaint y draffordd yn cyfyngu datblygiad.

6.8.23. Ystyrir datblygiadau nid yn unig o ran sut fyddant yn effeithio ar yr ardal leol ond o ran eu heffaith gludiant ar y coridor i'r gogledd ac, yn fwy penodol, i'r de, wrth i gerbydau deithio tuag at goridor yr M4.

5. Coridor Pîl-Abercynffig

6.8.24. Seilir coridor Pîl-Abercynffig ar y B4281 o ble mae'n cwrdd â'r A48 yng Nghroes Pîl ac yn rhedeg i'r dwyrain drwy Bîl, Mynydd Cynffig a Chefn Cribwr cyn dod i ben ar y gyffordd â'r A4063.

6.8.25. Mae safon y ffordd hon yn isel ac mae hyn yn creu llawer o faterion amgylcheddol sy'n perthyn i gludiant, gan gynnwys y risg o ddamweiniau yn enwedig lle mae'n pasio drwy ardaloedd preswyl a manwerthu.

6.8.26. Mae cyfle i reoli a gwella'r coridor o ran y materion hynny ond nid oes cyfle i wella maint y ffordd. Felly, mae cyfyngiadau sylweddol ar allu'r coridor hwn i gefnogi datblygiadau. Bydd gofyn gwneud ymdrech hefyd i sicrhau nad yw'r gwaith cloddio arfaethedig ym Margam yn cael effaith ddrwg ar y coridor hwn.

6. Coridor yr A48-A473

6.8.27. Dechreua'r coridor hwn ar y pwynt lle mae'r A473 yn cyrraedd y fwrdeistref sirol o Rondda Cynon Taf drws nesaf ac yn rhedeg ar hyd Ffordd Osgoi Pencoed i gyffordd 35 o'r M4. Mae'n parhau wedyn fel yr A473 hyd nes iddi ymuno â'r A48 ar gylchfan Waterton. O gylchfan Waterton, mae'r ffordd yn parhau fel yr A48 hyd nes iddi gwrdd â ffin y fwrdeistref sirol i'r gorllewin o Bîl ac yna'n mynd drwy fwrdeistref sirol Castell Nedd Port Talbot.

6.8.28. Mae defnyddio'r coridor hwn yn codi materion cyfyngu ar gyffyrdd ei daith a rhai materion amgylcheddol sy'n perthyn i gludiant, yn arbennig ar ei ben gorllewinol a dwyreiniol. Ac eithrio hyn, mae'r coridor yn darparu cyfle i gefnogi datblygiadau sy'n creu symudiadau lorïau gan ei fod yn bosibl mynd iddo'n hawdd ac mae'n bosibl lleihau effaith symudiadau cludiadau ffyrdd ar yr amgylchedd os gellir adnabod lleoliadau priodol ar gyfer gwelliannau i'r ffyrdd.

7. Coridor Cylchfan Waterton-Laleston

6.8.29. Seilir y coridor hwn ar y brif ffordd A473 o ble mae'n cwrdd â'r A48 ar gylchfan Waterton yn rhedeg i'r gogledd-orllewin i ffordd osgoi fewnol Pen-y-bont ar Ogwr, yna i'r gorllewin ac yn dod i ben ar y gyffordd â'r A48 i'r gorllewin o Laleston.

6.8.30. Mae'r ffordd yn amrywio o ran safon o ffordd ddeuol i ffordd sengl ac mae'r ardaloedd a wasanaethir yn drefol eu natur, ac eithrio darn mwyaf gorllewinol y daith. Mae'r coridor hwn darparu mynediad i ganol tref Pen-y-bont ar Ogwr o'r de, Coleg Technegol Pen-y-bont, pencadlys Heddlu De Cymru a sawl ardal breswyl fawr. Mae cartrefi'n blaenu ar rai darnau o'r ffordd.

6.8.31. Mae'r coridor yn dioddef o dagfeydd ac mae yna bryderon eraill yn ymwneud â chludiant a'i effaith ar yr amgylchedd. Mae cyfle i reoli a gwella'r coridor o ran y materion hynny a cheir cynllun gwella ffyrdd ym mholisi T14(4) i adeiladu'r Cyswllt Heol Coychurch - Heol Bontfaen yn nhref Pen-y-bont ar Ogwr.

6.8.32. Mae'r coridor yn fynedfa bwysig i ganol tref Pen-y-bont ar Ogwr a rhaid diogelu hyn. Yn ychwanegol, mewn sawl man ar hyd y ffordd, bydd gallu/maint y ffordd a materion amgylcheddol yn gweithredu fel cyfyngiadau. Ystyrir unrhyw ddatblygiad o ran ei effaith gludiant yn sgil y cyfyngiadau hyn.

8. Coridor yr A4106-A4229

6.8.33. Seilir y coridor hwn ar y brif ffordd A4106 o ble mae'n cwrdd â'r A48 ar gylchfan Redhill i deithio i'r de-orllewin i'r gyffordd â'r brif ffordd A4229 ym Mhorthcawl. Mae'r coridor yn dilyn yr A4229 i'r gogledd wedyn i'r gyffordd â'r B4283 pan mae'r ffordd yn rhannu ac yn parhau, fel yr A4229, drwy gyffordd 37 ar draffordd yr M4 ac yn dod i ben ar y gyffordd â'r A48 ar gylchfan Pîl. Fel y B4283, mae'n parhau i'r gogledd tuag at Ogledd Corneli wrth iddi gwrdd â ffin y fwrdeistref sirol lle mae'n mynd i mewn i Gastell Nedd Port Talbot.

6.8.34. Mae'r ffordd yn amrywio o ran ei natur gyda darnau o ffordd ddeuol a lonydd gwledig ond mae'r rhan fwyaf ohoni'n un lôn sengl. Mae'r coridor yn darparu mynediad i ganol tref Porthcawl a'i chyfleusterau i dwristiaid.

6.8.35. O ran ei allu i wasanaethu Porthcawl, mae gan y coridor ddigon o allu i ddarparu ar gyfer y boblogaeth breswyl ac, i raddau, ei gofynion fel cyrchfan i dwristiaid. Nid oes ganddo'r cyfleuster i ddiwallu ar gyfer llifau traffig ar ddiwrnodau brig yn y flwyddyn, megis gwyliau banc heulog, a bydda'n amgylcheddol annerbyniol i ddarparu ar gyfer y lefel honno.

Ogmore Corridor, Blackmill

6.8.36. I ganiatáu datblygiadau ychwanegol ac ailddatblygu canol tref Porthcawl ac i'r gyrchfan symud yn ei blaen, cynigir cyfleusterau parcio a theithio newydd (cyfeirier at bolisi T18) yn gysylltiedig â thaith bws benodedig yn y CDU a bydd gofyn am well gyfleusterau cludiant cyhoeddus ar gyfer y coridor hwn.

6.8.37. Mae cyfle i reoli a gwella'r coridor, ar yr A4106 a'r A4229, o ran materion amgylcheddol sy'n ymwneud â chludiant ond nid oes cyfle derbyniol i wella gallu'r coridor i dderbyn mwy o draffig. .

6.8.38. Ystyrir datblygiadau yn y coridor hwn, gan gynnwys datblygiadau yng nghanol tref a chyrchfan Porthcawl, am eu heffaith cludiant nid yn unig o ran sut maent yn effeithio ar yr ardal leol ond am eu heffaith ar y ffyrdd i gyffordd 37 o'r M4 ac i'r A48.

6.8.39. Cyfyngir y B4283, sy'n rhan o'r coridor hwn, gan bont isel wrth iddi basio dan draffordd yr M4. Mae'r ffordd hon yn gwasanaethu cymuned breswyl Gogledd Corneli ac mae ganddi nifer sylweddol o eiddo â blaenau'n agos i'r ffordd, parcio ar y stryd, siopau, ysgol a cherddwyr. Nid yw'r rhwydwaith ffyrdd presennol yn briodol o ran ymdopi â rhagor o draffig a fyddai'n cael ei greu gan ddatblygiadau pellach ac nid yw'n bosibl ei wella ymhellach.

6.8.40. Am y rhesymau a nodir ym mharagraff 6.8.39 uchod, nid yw'r B4283 yn addas i gario lefelau sylweddol o gerbydau nwyddau trwm. Fodd bynnag, oherwydd pont isel ym mwrdeistref sirol Castell Nedd Port Tablot, mae'n rhaid i'r cerbydau hyn sy'n mynd i Ystad Ddiwydiannol Cynffig ddefnyddio'r ffordd hon. Bydd y Cyngor yn gweithio mewn partneriaeth â Chyngor Bwrdeistref Sirol Castell Nedd Port Talbot i ddarparu mynediad mwy cyfleus i Ystad Ddiwydiannol Cynffig a symud y cerbydau nwyddau trwm o'r coridor hwn. Mae cyfle i reoli a gwella'r B4283 o ran materion amgylcheddol sy'n perthyn i gludiant ond ni fydd yn bosibl cynyddu ei allu i ymdopi â mwy o draffig. Felly, mae cyfyngiadau sylweddol ar allu'r coridor hwn i gefnogi datblygiadau. Rhaid gwneud ymdrechion hefyd i sicrhau nad yw cerbydau nwyddau trwm yn rhoi rhagor o bwysau ar y B4283.

6.9. Y Rhwydwaith Ffyrdd

6.9.1. Disgrifiwyd y prif rwydwaith ffyrdd, sy'n cyflawni rôl allweddol ar holl goridorau cludiant y fwrdeistref sirol, yn fanwl yn adran 6.8 o'r Cynllun hwn. Hefyd, yn yr adran honno, amlygodd y Cyngor yr ardaloedd a'r mannau hynny lle mae cludiant a materion amgylcheddol sy'n perthyn i gludiant yn bodoli neu'n debygol o fodoli yn y dyfodol. Mae'r cynigion a geir ym mholisi T14 (isod) yn ymdrin â'r materion hyn. Fodd bynnag, mae'n bosibl y bydd gofyn gwneud astudiaethau dichonoldeb yn y dyfodol i nodi mesurau digonol eraill i'w gweithredu fel rhan o'r broses CCLl a diwallu ar gyfer cynigion datblygu defnydd tir lleol penodol. Bydd raid ailystyried cynigion sy'n deillio o arolygon tymor byrrach y Cynllun Cludiant Lleol hefyd wrth arolygu'r CDU.

6.9.2. GWELLIANNAU MAWR I'R RHWYDWAITH FFYRDD

POLISI T14

GWNEIR GWELLIANNAU MAWR I'R RHWYDWAITH FFYRDD YN Y MANNAU CANLYNOL:-

T14(1)(A & B) FFORDD FYNEDFA I YSTAD DDIWYDIANNOL BRACKLA, PEN-Y-BONT AR OGWR; (Cyswllt â’r Map 28 Gorllewin)
T14(2) GWELLA'R B4281/HEOL SIMONSTON, PEN-Y-BONT AR OGWR; (Cyswllt â’r Map 28)
T14(3) FFORDD FEWNOL PENCOED; (Cyswllt â’r Map 22 Dwyrain)
T14(4) CYSWLLT HEOL COYCHURCH-HEOL BONTFAEN, PEN-Y-BONT AR OGWR; (Cyswllt â’r Map 35 Dwyrain)
T14(5) CYFFORDD 36 O'R M4; (Cyswllt â’r Map 21)
T14(6) MYNEDIAD I HEN OLCHDY MAESTEG; (Cyswllt â’r Map 33 Dwyrain)
T14(7) MYNEDIAD WERN TARW/ROCKWOOL; (Cyswllt â’r Map 22 Dwyrain)
T14(8) MYNEDIAD I DIR I'R GORLLEWIN O HEOL MAESTEG, TONDU; (Cyswllt â’r Map 21 Gorllewin)
T14(9) A48/A473 CYSWLLT BROCASTELL, PEN-Y-BONT AR OGWR; (Cyswllt â’r Map31)
T14(10) MYNEDIAD I SAFLE FFERM MARLAS, PÎL; (Cyswllt â’r Map 19)
T14(11) MYNEDIAD I HEOL MERTHYR MAWR/PARC GWYDDONIAETH PEN-Y-BONT, A48, PEN-Y-BONT AR OGWR; (Cyswllt â’r Map 27 Canolog)
T14(12) A473 MYNEDIAD I BARC TECHNOLEG SONY, PENCOED; (Cyswllt â’r Map 23 Dwyrain)
T14(13) M4 CYFFORDD 35; (Cyswllt â’r Map 23 Dwyrain)
T14(14) FFORDD OSGOI COETY, PEN-Y-BONT AR OGWR; (Cyswllt â’r Map 22 Gorllewin)

A BYDDANT YN DESTUN CYTUNDEBAU FFURFIOL GYDA'R CYNGOR A/NEU FEL A GYMERADWYIR O FEWN Y PECYNNAU GWYBODAETH DATBLYGU PRIODOL.

6.9.3. Gwnaed nifer o ddyraniadau ar gyfer datblygiadau yn y CDU sy'n debygol o gael effaith sylweddol ar y rhwydwaith cludiant presennol. Mae polisi T14 o'r cynllun yn nodi 14 cynllun gwella ffyrdd a ddylai oresgyn problemau'r rhwydwaith y disgwylir i gynigion datblygu newydd eu hachosi. Ac eithrio polisi T14(4), sy'n cael ei hybu gan y Cyngor ei hun (fel rhan o Strategaeth Adfywio Canol Tref Pen-y-bont ar Ogwr), mae'r holl gynlluniau sy'n weddol yn perthyn i gynigion defnydd tir sylweddol.

6.9.4. Bydd y Cyngor yn disgwyl i'r pecynnau gwybodaeth datblygu ymdrin â nodweddion a manylion yr holl gynigion cludiant uchod a fydd yn cael eu paratoi a'u cyflwyno i'r Awdurdod ar gyfer cymeradwyaeth, cyn penderfynu ar y geisiadau cynllunio perthnasol am ddatblygiadau safle. Bydd y pecynnau gwybodaeth hyn yn manylu ar y gofynion cludiant cyffredinol, gweithrediad, meini prawf amgylcheddol ac effaith i'w hwynebu ar gyfer pob safle; manylion o unrhyw astudiaethau i'w cyflawni; neu adroddiadau i'w paratoi er mwyn sefydlu lefelau derbyniol o draffig ar y safleoedd h.y. drwy asesiadau cludiant. Bydd datblygwyr yn gyfrifol am gyflawni unrhyw astudiaethau a rhaid i'r cynigion datblygu terfynol, pan gyflwynir nhw fel ceisiadau cynllunio, gydymffurfio â'r gofynion y manylir arnynt yn y pecynnau gwybodaeth. Dylid nodi y bydd yr holl ddatblygiadau sy'n gysylltiedig â pholisi T14 yn destun holl bolisïau cludiant y Cyngor. r.

6.9.5. Pan fyddant wedi eu cymeradwyo, bydd y manylion datblygu'n ffurfio sail ar gyfer amodau cynllunio priodol y Cyngor ar gyfer unrhyw ganiatâd cynllunio i ddatblygu safleoedd perthnasol. Bydd y manylion cymeradwyedig yn manylu ar unrhyw faterion 'o bwys' (gan gynnwys effaith debygol y cynigion ar y rhwydwaith ffyrdd a nodi unrhyw fesurau lleddfu) y mae'r Cyngor yn gofyn i ddatblygwyr/perchnogion safleoedd ymdrin â nhw ar ffurf goblygiadau/cytundebau cynllunio ffurfiol. Felly, pwysleisir y bydd y Cyngor yn gofyn am gyfraniadau priodol gan ddatblygwyr/perchnogion safleoedd sy'n 'gysylltiedig' â'r cynlluniau gwella ffyrdd hynny a restrir dan bolisi T14 ynghyd ag unrhyw bolisïau, nodau ac amcanion eraill yn y CDU a'r CCLl y mae'r Cyngor yn ystyried eu bod 'o bwys' o ran datblygu'r safleoedd hynny'n foddhaol a sicrhau y bodlonir gofynion 'prawf cyfreithiol' y cysylltiadau hyn bob amser.

6.9.6. Mae manylion y 14 cynllun a nodwyd ym mholisi T14 fel a ganlyn:-

1. (A & B) Ffordd Fynediad i Ystad Ddiwydiannol Brackla, Pen-y-bont

6.9.7. Bydd estyn ac ailddatblygu Ystad Ddiwydiannol Brackla (polisi E2(1)) a'r dyraniad ar gyfer datblygiad preswyl (polisi H1(81)) yn cynyddu traffig ar hyd Heol Simonston i lawr ei chyffordd â'r A473 ar gylchfan Coychurch. Uwchraddir Heol Simonston felly yn unol â pholisi T14(2). Hefyd, gofynnir i ddatblygwyr polisïau E2(1) a H1(81) gyfrannu at welliannau ffyrdd i ddarparu cyswllt o ansawdd uchel o Heol Simonston i Rodfa'r Dywysoges a'r gylchfan er mwyn ymdrin â'r traffig cynyddol a gwahanu traffig diwydiannol a phreswyl sy'n defnyddio Wyndham Close.

6.9.8. Rhennir polisi T14(1) yn ddwy adran felly - (A) a (B). Bydd darparu adran (A) o'r cynllun ffyrdd yn ofynnol ar gyfer datblygu'r ffin ogleddol i ddyraniad preswyl H1(81) 'Wyndham Close, Brackla, Pen-y-bont'; a bydd adran (B) yn helpu'r cyswllt ffordd newydd i Rodfa'r Dywysoges - cylchfan BNDR i'w ddarparu gan ddatblygwyr/ailddatblygwyr y darnau newydd o dir a'r darnau sy'n weddill ym mholisi E2(1) 'Ystad Ddiwydiannol Brackla, Pen-y-bont ar Ogwr'.'.

2. Gwella'r B4281/Heol Simonston, Pen-y-bont ar Ogwr

6.9.9. Bydd datblygu ac ailddatblygu ardaloedd newydd a dros ben Ystad Ddiwydiannol Brackla'n cynyddu'r traffig ar hyd Heol Simonston/B4281, o'r gyffordd â ffordd fynedfa arfaethedig yr ystad ddiwydiannol i'r gyffordd â'r A473 ar gylchfan Coychurch. Mae'r daith yn is-safonol yn gyffredinol o ran lled, cyfliniad, natur weladwy, cyfleusterau i gerddwyr a chynllun y cyffyrdd ac nid yw'n addas i ymdrin â'r traffig a fydd yn cael ei gynhyrchu gan y datblygiadau arfaethedig; felly, rhaid ei gwella er mwyn galluogi'r datblygiadau hyn i symud yn eu blaen.

6.9.10. Gofynnir i ddatblygwyr ac ailddatblygwyr y darnau newydd a'r darnau dros ben o dir ar Ystad Ddiwydiannol Brackla gytuno ar oblygiadau neu gytundebau cynllunio priodol a/neu bydd y Cyngor yn gorfodi'r amodau cynllunio priodol ar ganiatâd cynllunio perthnasol i sicrhau y darperir y gwaith ffyrdd a'r gwelliannau hanfodol. Ariennir y gwaith yn gyfan gwbl gan y datblygiadau hynny a, lle mae'n briodol, bydd yn cynnwys ailgyflinio'r ffyrdd, gwella cyffyrdd, gwella gallu a darparu cyfleusterau llawn i gerddwyr er mwyn dileu gwrthdaro â'r traffig ychwanegol sy'n cael ei greu.

3. Ffordd Liniaru Fewnol Pencoed

6.9.11. Gan fod y rhwydwaith ffyrdd presennol yn cael ei gyfyngu gan y brif reilffordd sy'n pasio drwy Bencoed, ni chaniateir datblygiad pellach i orllewin y rheilffordd hyd nes i gynllun gael ei weithredu i ganiatáu i'r rhwydwaith ymdopi â thraffig ychwanegol sy'n gysylltiedig â datblygiad. Bydd y cynllun ffyrdd gofynnol yn cynnwys pont newydd dros y rheilffordd a chyswllt priodol i safonau cymeradwyedig, yn dechrau o Heol Hendre, yna'n pasio dros y bont newydd i gysylltu â Heol Pencoed. Gofynnir i ddatblygwyr yr holl safleoedd i'r gorllewin o'r rheilffordd fynd i gytundebau gyda'r Cyngor i gyfrannu symiau priodol o arian i sicrhau y cyflawnir y gwaith ffyrdd a'r gwelliannau hanfodol hyn. Ariennir y gwaith yn gyfan gwbl gan y datblygiadau hynny.

6.9.12. Dylid nodi bod caniatâd cynllunio wedi ei roi ar gyfer 200 o dai i'r gorllewin o'r rheilffordd yn unol â'r darpariaethau a geir yng Nghynllun Lleol Bwrdeistref Ogwr. Roedd y caniatâd hwnnw'n destun adeiladu ffordd liniaru dros dro a chyffyrdd â signalau. Fodd bynnag, mae'r gwaith ffyrdd hwn yn ddigon i ymdrin â symudiadau sy'n perthyn i'r datblygiad hwnnw'n unig ac ni ellir ei ddefnyddio fel ffordd o symud unrhyw ddatblygiad arall yn ei flaen i'r gorllewin o'r rheilffordd hyd nes i'r cynllun newydd y cyfeiriwyd ato ym mharagraff 6.9.11 (uchod) gael ei weithredu.

4. Cyswllt Heol Coychurch - Heol Bontfaen, Pen-y-bont ar Ogwr

6.9.13. Mae'r Cyngor yn ystyried bod y cynllun hwn yn elfen bwysig o adfywio canol tref Pen-y-bont ar Ogwr oherwydd bydd ei weithrediad yn cwblhau 'blwch' ffyrdd mewnol integredig o gwmpas canol y dref. Bydd yn caniatáu cau'r gyffordd bresennol ar Heol Coychurch a Heol Bontfaen (sy'n ddifrifol gyfyngedig o ran cynllun a gweladwyedd ac sydd â record diogelwch gwael) a/neu gynnig mynediad lleol cyfyng yn unig. Pe byddai'r gyffordd bresennol yn cael ei gwella, byddai'n cynnig buddion lleol cyfyng iawn a byddai angen dymchwel eiddo ychwanegol. Felly, nid yw'r Cyngor yn ffafrio hyn.

6.9.14. Mae llinell y ffordd gyswllt arfaethedig yn cydymffurfio â safonau cynllunio ffyrdd presennol, gan gynnwys llifau traffig disgwyliedig, ac mae'n adlewyrchu cyfarwyddyd cynllunio cyfredol a pholisïau'r Cyngor sy'n ceisio diogelu eiddo preswyl rhag cael eu dymchwel yn ddiangen oherwydd datblygiad.

5. Cyffordd 36 yr M4

6.9.15. Cyffordd 36 ar yr M4 yn Sarn yw'r gyffordd strategol bwysicaf yn y fwrdeistref sirol ac mae dan bwysau sylweddol oherwydd traffig sy'n mynd i'r datblygiad manwerthu yn yr ardal, ar y cyd â'r traffig lleol a strategol ar y rhwydwaith o'i chwmpas. Nid yw cyfyngiadau presennol y gyffordd yn addas i ymdopi â thraffig ychwanegol a fyddai'n cael ei greu gan ddatblygiadau pellach. Ni chaniateir y datblygiad ar safle datblygu Parc Derwen (cyfeirier at bolisi H1(25)) nac unrhyw ddatblygiad neu estyniad arall a fyddai'n cael effaith uniongyrchol ar y gyffordd hon hyd nes iddi gael ei gwella. Y nod yw cynyddu gallu'r gyffordd i lefel lle gall ymdopi â thraffig ychwanegol sy'n cael ei gynhyrchu gan ddatblygiadau heb orfodi effeithiau drwg ar draffig lleol neu strategol.

Junction 36, M4 Motorway, Bridgend

6.9.16. Gofynnir i ddatblygwyr safle Parc Derwen neu unrhyw ddatblygiad neu estyniad i ddatblygiad sy'n effeithio'n uniongyrchol ar y gyffordd fynd i gytundeb gyda'r Cyngor i sicrhau y cyflawnir gwaith ffordd a gwelliannau priodol. Ariennir y gwaith yn gyfan gwbl gan y datblygiadau hynny ac ni chaniateir datblygiadau nac estyniadau tameidiog.

6. Mynediad i Gyn Safle Golchdy Maestegteg

6.9.17. Nodwyd cyn safle golchdy Maesteg ar gyfer datblygiad defnydd cymysg, gan gynnwys ysgol uwchradd newydd ac felly mae'n rhaid i'r safle gael mynediad priodol. Bydd y trefniadau hyn yn darparu mynediad i'r safle cyfan a bydd yn cynnwys darpariaeth effeithiol ar gyfer ceir, cludiant cyhoeddus, beiciau a cherddwyr. Rhoddir ystyriaeth arbennig i'r darpariaethau mynediad diogel sy'n ofynnol ar gyfer yr ysgol a fwriedir. Lle mae'r isadeiledd yn cwrdd â'r rhwydwaith ffyrdd presennol, bydd cyffyrdd yn cael eu hadeiladu i ddiwallu ar gyfer y datblygiad cyfan h.y. y traffig sy'n cael ei greu ynghyd â'r traffig ar y rhwydwaith presennol. Rheolir y traffig a'i natur er mwyn sicrhau na fydd yn effeithio ar draffig ar y rhwydwaith lleol presennol.

6.9.18. Bydd yr holl fanylion sy'n perthyn i faterion mynediad i'r safle'n cael eu diffinio a'u rheoli gan y wybodaeth ddatblygu sy'n ofynnol dan bolisi REG 3(1) fel y cyfeiriwyd ato ym mharagraffau 6.9.4 a 6.9.5 ynghynt.

7. Mynediad Wern Tarw/Rockwool

6.9.19. Nodwyd y ffatri bresennol a'r tir i'r gorllewin a'r gogledd-orllewin ar gyfer defnydd cyflogaeth yn Wern Tarw. Mae'r ffordd i ac o'r safle'n ffordd annosbarthedig o'r ffatri i'r B4280, y B4280/ffordd fynediad ddiwydiannol Penprysg, yna'r A473/ffordd osgoi Pencoed i gyffordd 35 o'r M4. Gofynnir i ddatblygwyr y safle hwn gyflawni unrhyw welliannau i'r ffordd hon sydd eu hangen er mwyn iddi ymdopi'n ddiogel ac yn effeithiol ac unrhyw draffig ychwanegol sy'n cael ei greu gan y datblygiadau a/neu'r estyniadau hyn. Bydd y gwelliannau hyn yn cynnwys gwella'r ffordd annosbarthedig a'r B4280 rhwng mynedfeydd y safle a phen gorllewinol ffordd fynediad ddiwydiannol Penprysg, y darn o'r A473 rhwng cylchfan ddwyreiniol y ffordd fynediad ddiwydiannol a chylchfan ogleddol ffordd osgoi Pencoed. Byddant yn cynnwys unrhyw ddiwygiadau sydd eu hangen i'r cylchfannau hynny neu unrhyw ddarnau eraill o'r ffyrdd ar hyd y daith gan gynnwys darpariaethau ar gyfer diogelu beicwyr a cherddwyr.

6.9.20. Felly, gofynnir i ddatblygwyr safle Wern Tarw ac unrhyw estyniadau sylweddol i ddatblygiad Rockwool fynd i gytundebau/goblygiadau cynllunio gyda'r Cyngor i sicrhau y gwneir y gwaith ffordd a'r gwelliannau priodol. Ariennir y gwaith hwn yn gyfan gwbl gan y datblygiadau a/neu'r estyniadau i ddatblygiad Rockwool.

8. Mynediad i Dir i'r Gorllewin o Heol Maesteg, Tondu

6.9.21. Nodwyd y tir i'r gorllewin o Heol Maesteg (A4063), Tondu yn y CDU ar gyfer datblygiadau cymysg o ddefnyddiau cyflogaeth, preswyl a threftadaeth. Mae'r A4063 i'r de o'r bont reilffordd gyfagos yn ddigon da i ymdopi â'r traffig sy'n ymwneud â datblygu'r safle. Fodd bynnag, wrth iddi fynd i'r gogledd o'r signalau traffig, dan y bont reilffordd, a throi i'r dwyrain, mae'r ffordd yn is-safonol, mae'n anodd gweld yn iawn ac mae ganddi sawl fynediad. Er mwyn datblygu'r safle'n gynhwysfawr, bydd angen ailgyflinio'r A4063, Heol Maesteg, i'r gogledd o'r signalau traffig presennol er mwyn adeiladu mynediad priodol ar gyfer y datblygiad. Rhaid i ddatblygiad cynhwysfawr y safle fod yn unol â phecyn gwybodaeth datblygu (fel y cyfeirir ato ym mharagraffau 6.9.4 a 6.9.5 ynghynt) i'w gymeradwyo gan y Cyngor. Bydd hyn yn sicrhau isadeiledd ffyrdd effeithiol ar gyfer y safle cyfan.

6.9.22. Gofynnir i ddatblygwyr y safle fynd i rwymedigaethau/cytundebau cynllunio gyda'r Cyngor i sicrhau y cyflawnir y gwaith ffordd a'r gwelliannau priodol. Ariennir y gwaith yn gyfan gwbl gan y datblygiad ac ni chaniateir datblygiadau nac estyniadau tameidiog.

9. A48/A473 Cyswllt Brocastell, Pen-y-bont ar Ogwr

6.9.23. Bydd datblygu safleoedd diwydiannol Brocastell a Waterton at ddibenion cyflogaeth h.y. rhwng y gwaith peiriannau ceir presennol a'r A48 yn creu mwy o draffig ar gylchfan cyffordd yr A48 â'r A473 yn Waterton wrth i draffig deithio i'r gogledd-ddwyrain i'r M4 drwy gyffordd 35. Byddai ailgynllunio a gosod signalau ar gylchfan Waterton yn cynnig ateb rhannol i'r broblem yn unig. Y ffordd orau o fynd i'r safle fydd cyswllt ffordd newydd a fydd yn mynd i gyfeiriad gogledd-ddwyreiniol yn gyffredinol o gyffordd newydd ar yr A48 i'r gylchfan fwyaf deheuol ar Ystad Ddiwydiannol Waterton ac yna i'r gogledd, ynghyd â gwelliannau cysylltiedig i gylchfan Coychurch i ymuno'r A473 â'r draffordd. Bydd natur a maint y gwaith ffordd yn cael eu penderfynu gan asesiad cludiant. Bydd rhan o linell y ffordd gyswllt arfaethedig yn gorwedd yn ardal Bro Morgannwg a byddwn yn ceisio caniatâd a chydweithrediad y Cyngor hwnnw er mwyn symud y datblygiad hwn yn ei flaen.

6.9.24. Gofynnir i ddatblygwyr safleoedd diwydiannol Brocastell a Waterton (rhwng y gwaith peiriannau ceir a'r A48) fynd i rwymedigaethau/cytundebau cynllunio priodol gyda'r Cyngor a Chyngor Bro Morgannwg i sicrhau y cyflawnir y gwaith ffordd a'r gwelliannau hanfodol. Ariennir y gwaith hwn yn gyfan gwbl gan y datblygwyr hynny ac ni fyddwn yn caniatáu datblygiadau nac estyniadau tameidiog.

10. Mynediad i Safle Fferm Marlas, Pîl

6.9.25. Gellid cael mynediad i safle tai arfaethedig Fferm Marlas naill ai drwy ffordd ddeheuol i Heol Fach ac yna drwy bentref Gogledd Corneli; neu i'r gogledd ar hyd Pont Marlas a Heol Marlas i Groes Pîl. Mae'r ffordd gyntaf yn broblemus o ran cerbydau wedi parcio, cerbydau gwasanaeth a siopau, ysgolion, diogelwch cerddwyr, cyffyrdd - yn enwedig y gyffordd â Fairfield yn arwain i'r A48 - a phont isel ar y cyswllt uniongyrchol i'r M4. Ni all y rhwydwaith ffyrdd presennol ymdopi â'r traffig ychwanegol a fyddai'n cael ei gynhyrchu gan y datblygiad tai arfaethedig, heb welliannau sylweddol. Mae'r ail ffordd yn lôn gul, dros Bont Marlas, sy'n is-safonol o ran ei lled a chyfliniad, ar hyd Heol Marlas tuag at Groes Pîl a nodwyd fel ffordd â phroblemau diogelwch y ffyrdd hefyd.

6.9.26. Gall datblygiad ar safle preswyl Fferm Marlas fynd yn ei flaen yn amodol ar welliannau ffordd ar Bont Marlas a Heol Marlas er mwyn ymdopi â'r traffig ychwanegol a fyddai'n cael ei greu gan y datblygiad. Hefyd, mae'n rhaid gwella'r lôn o'r safle a fyddai'n mynd i Bont Marlas i safonau ffyrdd priodol, ynghyd â llwybr mynediad gwell i gerddwyr i Orsaf Pîl gerllaw.

6.9.27. Gofynnir i ddatblygwyr safle Fferm Marlas i fynd i gytundebau gyda'r Cyngor i sicrhau y gwneir y gwaith ffordd a'r gwelliannau priodol, ynghyd ag unrhyw ofynion cynllunio perthnasol. Ariennir y gwaith hwn yn gyfan gwbl gan y datblygiad ac ni chaniateir datblygiadau tameidiog.

11. Mynediad i Heol Merthyr Mawr/Parc Gwyddoniaeth Pen-y-bont/Tir ar Fferm yr Ynys, A48, Pen-y-bont ar Ogwr

6.9.28. Nodir Parc Gwyddoniaeth Pen-y-bont/tir ar Fferm yr Ynys fel safle cyflogaeth arbennig (cyfeirier at bolisi E6(1), sy'n seiliedig ar nifer o ofynion. Un ohonynt yw ei fod yn hawdd mynd ato o goridor yr M4. I ddarparu'r mynediad effeithiol hwn a chydymffurfio â gofynion y rhwydwaith ffyrdd, bydd angen cyffordd newydd ar yr A48 er mwyn estyn y parc gwyddoniaeth presennol ar Fferm yr Ynys mewn man a fydd yn effeithio ar Heol Merthyr Mawr (gogledd a'r de o'r A48), ynghyd â chyfleusterau cyffyrdd. Felly, rhaid rhoi ystyriaeth ofalus i'r gyffordd hon i sicrhau nad yw hi na'r traffig cysylltiedig yn cael effaith ddrwg ar effeithiolrwydd y rhwydwaith ffyrdd o gwmpas.

6.9.29. Gofynnir i ddatblygwyr estyniad y parc gwyddoniaeth i fynd i rwymedigaethau/cytundebau cynllunio gyda'r Cyngor i sicrhau y gwneir y gwaith cynllunio a'r gwelliannau priodol, ynghyd ag unrhyw ofynion cynllunio perthnasol. Ariennir y gwaith hwn yn gyfan gwbl gan y datblygiad ac ni chaniateir datblygiad tameidiog.

12. A473 Mynediad i 'Barc Technoleg Pencoed', Pencoed

6.9.30. Nodir 'Parc Technoleg Pencoed' fel safle cyflogaeth arbennig polisi E6(4), sy'n gofyn i'r tir fod yn hawdd mynd ato o goridor yr M4. Mae'r safle'n ardal fawr o dir, rhyw 31.5 Ha, ac er bod y rhan fwyaf ohono o fewn ffin weinyddol Cyngor Bwrdeistref Sirol Rhondda Cynon Taf, bydd ei ofynion mynediad yn dibynnu'n bennaf ar gyffordd 35 o'r M4 ym Mhencoed. Felly, mae'r materion cludiant cysylltiedig o ran gwasanaethu'r safle hwn yn foddhaol a sicrhau mynediad effeithiol i'r draffordd yn gorffwys gyda'r Cyngor hwn.

6.9.31. Gellir mynd i'r datblygiad Sony presennol o gylchfan ar yr A473 sy'n darparu cysylltiadau i ddwyrain a gorllewin Heol Felindre. Mae'r gylchfan hon yn destun problemau ar adegau penodol o'r dydd gan mai hon yw'r mynediad i gyffordd y draffordd i'r de o'r gylchfan. Ystyriaeth arall yw lleoliad mynwent a fyddai'n agos iawn i unrhyw welliannau i'r isadeiledd os bwriedir mynd i'r safle polisi E6(4) o gyffordd ar Heol Felindre. Felly, rhaid i'r cynigion ar gyfer mynd i'r safle hwn ddiwallu ar gyfer gwelliannau i'r isadeiledd ffyrdd. Bydd hyn yn sicrhau bod cylchfan Sony a chyffordd y draffordd yn diwallu ar gyfer y traffig ychwanegol sy'n cael ei greu ac y diogelir y fynwent rhag effeithiau drwg y traffig sy'n cael ei greu, ac unrhyw welliannau hanfodol.

6.9.32. Gofynnir i ddatblygwyr Parc Technoleg Pencoed fynd i rwymedigaethau/cytundebau cynllunio gyda'r Cyngor i sicrhau y gwneir y gwaith ffyrdd a'r gwelliannau, ynghyd ag unrhyw ofynion cynllunio perthnasol eraill. Ariennir y gwaith hwn yn gyfan gwbl gan y datblygiad ac ni chaniateir datblygiadau tameidiog.

13. Cyffordd 35 yr M4

6.9.33. Mae cyffordd 35 y draffordd ym Mhencoed yn gyffordd strategol bwysig yn y fwrdeistref sirol. Er bod gallu presennol y gyffordd yn ddigon ar gyfer y galwadau presennol, ni all ymdopi â'r holl draffig ychwanegol a fydd yn cael ei greu gan ddatblygiadau pellach heb welliannau. Felly, bydd tir yn cael ei ddiogelu er mwyn gwella cyffordd y draffordd yn y dyfodol. Disgwylir y gellir gwella gallu'r gyffordd yn raddol er mwyn ymdopi â datblygiadau newydd wrth iddynt ddatblygu.

6.9.34. Gofynnir i ddatblygwyr y mae eu datblygiadau neu eu hestyniadau'n cael effaith ar gyffordd 35 wella gallu'r gyffordd i lefel lle gall ymdopi â'r traffig ychwanegol (sy'n cael ei greu gan y datblygiad(au)) heb gael effaith ddrwg ar draffig lleol na thraffig strategol.

6.9.35. Gofynnir i ddatblygiadau neu estyniadau sy'n effeithio ar gyffordd 35 o'r M4 fynd i rwymedigaethau/cytundebau cynllunio gyda'r Cyngor i sicrhau y gwneir y gwaith ffyrdd a'r gwelliannau priodol. Ariennir y gwaith yn gyfan gwbl gan y datblygiadau hyn ac ni chaniateir datblygiadau nac estyniadau tameidiog.

14. Ffordd Osgoi Coety, Pen-y-bont ar Ogwr

6.9.36. Byddai datblygiad safle Parc Derwen (cyfeirier at bolisi H1(25) yn cynyddu'r traffig sy'n mynd drwy bentref Coety'n sylweddol os na chyflawnir gwaith ffordd cysylltiedig. Mae'r B4281 drwy bentref Coety'n gyfredinol is-safonol o ran lled, cyfliniad, natur weladwy, darpariaeth i gerddwyr a chynllun y cyffyrdd. Mae'r ardal yn ardal gadwraeth benodedig hefyd.

6.9.37. Nid oes cyfle i wella'r ffordd drwy bentref Coety ac ni fyddai hyn yn amgylcheddol dderbyniol beth bynnag. Felly, mae'n rhaid adeiladu ffordd osgoi i'r pentref os yw datblygiad safle Parc Derwen i fynd yn ei flaen. Disgwylir i'r ffordd osgoi ddarparu mynediad i'r darnau tir hynny a benodir ar gyfer pwrpasau cyflogaeth (dan bolisi E2(1) o'r cynllun), i'r de o'r ffordd osgoi arfaethedig. Gofynnir i ddatblygwyr safle Parc Derwen fynd i rwymedigaeth / cytundeb cynllunio gyda'r Cyngor i sicrhau y gwneir y gwaith ffordd a'r gwelliannau priodol, yn unol â'r pecyn gwybodaeth datblygu i'w baratoi a'i gyflwyno i'r Cyngor ei gymeradwyo. Bydd y gwaith ffordd a'r gwelliannau hynny'n cynnwys ffordd osgoi i'r pentref, cyfleusterau i'r ardaloedd hynny sy'n cael eu hamgylchynu gan dir ar hyn o bryd o bolisi E2(1) a mesurau priodol i sicrhau na fydd traffig ychwanegol yn teithio drwy'r pentref. Bydd y gwaith ffordd arall yn cynnwys mannau mynediad digonol, effeithiol a phriodol i'r safleoedd datblygu i sicrhau bod traffig yn symud yn ddigonol ar y safleoedd ac ar y rhwydwaith ffyrdd presennol. Ariennir y gwaith yn gyfan gwbl gan ddatblygwyr datblygiad Parc Derwen ac ni chaniateir iddynt ddatblygu'n dameidiog.

6.10. Darparu Isadeiledd Cludiant Cyhoeddus

6.10.1. ESTYN GORSAF FYSIAU PEN-Y-BONT AR OGWR

POLISI T15 (Cyswllt â’r Map 34 Canolog)

DIOGELIR TIR I ALLUOGI GORSAF FYSIAU CANOL TREF PEN-Y-BONT AR OGWR I GAEL EI AILDDATBLYGU.YGU.

6.10.2. Mae'r orsaf fysiau bresennol yng nghanol tref Pen-y-bont ar Ogwr yn cael ei defnyddio i'w photensial llawn. Felly, mae angen ailddatblygu'r potensial hwnnw i fodloni galw presennol a dyfodol gan gwmnïau lleol a chenedlaethol.

6.10.3. CYFNEWIDFA CLUDIANT ARFAETHEDIG

POLISI T16

DIOGELIR TIR I ALLUOGI ADEILADU CYFNEWIDFA TRAFNIDIAETH A FFYRDD PERTHNASOL YNG NGHANOL TREF PEN-Y-BONT.

Access to former Washery Site - Maesteg

6.10.4. Mae Polisi T16 yn darparu ar gyfer Cyfnewidfa aml-ddefnydd yng nghanol tref Pen-y-Bont a fyddai yn galluogi trafnidiaeth hawdd a chyflym i deithwyr drwy unrhyw fodd o deithio. Bydd cyswllt dynol rhwng yr orsaf bysiau a’r orsaf rheilffordd yn cael ei gynnwys i fewn i’r cynllun a fiddai hefyd yn cynnwys cyfnewidfa i fws a tacsi ger yr orsaf rheilffordd.

6.10.5. GWELLIANNAU I’R RHWYDWAITH RHEILFFORDD I DEITHWYR

POLISI T17

DIOGELIR TIR I ALLUOGI'R PRIF WELLIANNAU CANLYNOL I'R RHWYDWAITH RHEILFFYRDD TEITHWYR:-

T17(1) ADEILADU GORSAF DRENAU BRACKLA A CHYFLEUSTER PARCIO A THRENAU; (Cyswllt â’r Map28 Gorllewin)

T17(2) GWELLA GORSAF DRENAU PEN-Y-BONT AR OGWR; (Cyswllt â’r Map 34)

T17(3) GWELLA RHEILFFORDD MAESTEG; A

T17(4) DATBLYGU CYFLEUSTERAU PARCIO (Cyswllt â’r Map 21 Canolog) A THRENAU YN WILDMILL A PHENCOED. (Cyswllt â’r Map 23 Gorllewin)

6.10.6. Mae gan reilffyrdd rôl gynyddol ym maes cludiant cyhoeddus yn y CDU. Er gwaethaf eu hanhyblygrwydd, lle maent yn bodoli, maent yn tueddu i feithrin ymdeimlad o barhad ac yn gwella'r potensial ar gyfer datblygu ac adfywio. Mae'r Cyngor a'r consortiwm awdurdodau lleol South Wales Integrated Fast Transit (SWIFT) wedi cydnabod y nodweddion hyn ac maent wedi nodi pedwar cynllun, pob un ohonynt yn darparu potensial ychwanegol i hwyluso gwella'r rheilffyrdd. Rhoddir manylion o'r cynlluniau hynny isod:-

1. Gorsaf Drenau Brackla a Chyfleuster Parcio a Theithiothio

6.10.7. Lleolir gorsaf drenau arfaethedig Brackla ar y brif reilffordd yn Ne Cymru o Lundain i Abergwaun. Ffurfia rhan o fenter SWIFT i hybu teithiau trenau esmwyth rhwng Maesteg a Llanharan ym mwrdeistref sirol Rhondda Cynon Taf. Bydd yr orsaf yn cynnig cyfleuster integredig a fydd yn cynnwys dau blatfform, pont droed, mynediad ar feic a chyfleuster parcio a theithio. Dewiswyd safle'r orsaf arfaethedig i wella ei dichonolrwydd masnachol a bodloni anghenion cludiant cyhoeddus yr ystad ddiwydiannol ac anghenion y datblygiadau tai presennol a dyfodol yn nwyrain Pen-y-bont ar Ogwr. Disgwylir i'r prosiect gael ei ariannu gan gyfraniadau datblygwyr a'r Grant Cludiant.

2. Gwella Gorsaf Drenau Pen-y-bont ar Ogwr

6.10.8. Mae darparu platfform bae yng ngorsaf Pen-y-bont yn ffurfio rhan o'r estyniad arfaethedig o reilffordd Bro Morgannwg sy'n cael ei defnyddio gan draffig cludo ar hyn o bryd ac i wyro trenau teithwyr ar adegau. Bydd y cynllun gwella arfaethedig yn hwyluso gwasanaeth bob awr bob dydd a gwasanaeth bob hanner awr ar adegau prysur. Bydd yn rhoi cyfle i draffig cludo gynyddu ei ddefnydd ac ymchwilir i'r potensial o ddefnyddio cilffordd Ford fel gorsaf ar gyfer traffig cludo.

Bridgend Bus Station

3. Gwella Rheilffordd Maesteg

6.10.9. Mae rheilffordd Maesteg yn rhan annatod o goridor cludiant Llynfi. Bydd y cynllun gwella'n darparu dolen gyswllt i hwyluso gwasanaeth bob hanner awr a diogelu'r posibilrwydd o'i estyn yn hwyrach ar gyfer traffig cludo nwyddau. Bydd gwella'r rheilffordd yn helpu gyda Strategaeth Adfywio Cwm Llynfi hefyd. Ariennir y cynllun hwn gan arian o'r Grant Cludiant hefyd. yd.

4. Cyfleusterau Parcio a Theithio Pellach yng Ngorsafoedd Wildmill a Phencoed

6.10.10. Bydd cyfleusterau parcio a theithio yn Wildmill a Phencoed yn rhoi cyfle am gyfnewidfa effeithiol rhwng ceir a chludiant cyhoeddus i hwyluso gostyngiad yn hyd a nifer y siwrneiau ceir, yn enwedig y siwrneiau i ac o'r gweithle. Yn ychwanegol, bydd cyfleuster parcio a theithio Wildmill yn cynnig cylch troi i fysiau yn yr orsaf bresennol a fydd yn caniatáu cyfleusterau parcio a theithio ar gyfer bysiau a threnau.

6.10.11. CYFLEUSTER PARCIO A THEITHIO ARFAETHEDIG AR GYFER PORTHCAWL

POLISI T18

DARPERIR CYFLEUSTER PARCIO A THEITHIO BYSIAU I FODLONI ANGHENION PORTHCAWL YN Y DYFODOL. DEWISIR EI LEOLIAD GYDA'R NOD O WNEUD Y MWYAF O DWRISTIAETH GYNALIADWY, A NODAU CLUDIANT, CYMDEITHASOL AC AMGYLCHEDDOL Y STRATEGAETH ADFYWIO A BARATOIR AR GYFER Y DREF.

6.10.12. Penodwyd y tir rhwng y porthladd a safle carafanau Trecco Bay ym Mhorthcawel dan bolisi adfywio REG3(2) y Cynllun ar gyfer ailddatblyigad cynhwysfawr. Bydd manylion datblygu'n cael eu paratoi fel Cyfarwyddyd Cynllunio Atodol (CCA) i'r CDU a fydd yn manylu ar ofynion cynllunio a dylunio Ardal Adfywio Porthcawl (cyfeirier at baragraff. 15.12.10 yn hwyrach). Bydd cyfleusterau parcio a theithio'n seiliedig ar fysiau, o ddewis ar safle tir llwyd o fewn a/neu'n agos i'r ardal adfywio'n ffurfio cynnig cludiant 'integredig' allweddol o fewn y manylion datblygu hynny.

6.10.13. Bydd y cyfleuster yn helpu i wyro siwrneiau yn y car i ac o Borthcawl i fysiau a bydd hyn yn lleihau tagfeydd yng nghanol y dref. I raddau, gallai leihau nifer y siwrneiau i'r gwaith yn y car ond y prif atyniad fydd ei botensial i ddal traffig twristiaid sy'n anelu am ganol y dref yn yr haf. Bydd y cyfleuster yn lleihau'r pwysau i estyn potensial y rhwydwaith ffyrdd lleol yng nghanol y dref hefyd ac yn lleihau'r galw am ddefnyddio safleoedd ailddatblygu gwerthfawr yn yr ardal adfywio ar gyfer darparu cyfleusterau parcio ceir trwy gydol y flwyddyn. Bydd angen dewis y cyfleuster parcio a theithio newydd yn ofalus iawn er mwyn cyflawni nodau twristiaeth gynaliadwy, cludiant, cymdeithasol ac amgylcheddol y manylion datblygu. Felly, bydd angen lôn fysiau briodol a mesurau rheoli traffig yng nghanol y dref er mwyn helpu bysiau i deithio o gwmpas yn hawdd. Dylid penderfynu ar leoliad y cyfleuster o fewn cyd-destun manwl y manylion datblygu ar gyfer Cynllun Adfywio Porthcawl. awl.

6.11. Darpariaeth Parcio Ceir Gyhoeddus i Ffwrdd o'r Stryd

6.11.1. DARPARIAETH ARFAETHEDIG I BARIO CEIR I FFWRDD O'R STRYD - CANOL TREF PEN-Y-BONT AR OGWR

POLISI T19 (Cyswllt â’r Map 34)

DIOGELIR TIR ER MWYN MWYHAU MAES PARCIO HEOL TREMAINS, PEN-Y-BONT AR OGWR A CHYNYDDU CYFLEUSTERAU PARCIO I FFWRDD O'R STRYD YNG NGHANOL TREF PEN-Y-BONT AR OGWR.GWR.

6.11.2. Bydd y ddarpariaeth barcio a nodir dan bolisi T19 yn cydweddu â'r nodau adfywio ar gyfer canol tref Pen-y-bont ar Ogwr. Bydd yn bodloni rhai o anghenion parcio datblygiadau newydd canol y dref na fydd yn denu darpariaeth barcio hael bellach yn unol â chyflwyniad mwyafswm safonau parcio i ffwrdd o'r stryd yr ymdrinnir â nhw dan bolisi T8. Ar hyn o bryd, dyrennir oddeutu 60% o stoc parcio canol y dref ar gyfer parcio arhosiad byr. Fel rhan o'r strategaeth i gynyddu gweithgareddau siopa yng nghanol y dref, bwriada'r Cyngor i gynyddu'r ganran hon i 80% o'r stoc drwy brisiau graddedig. Bwriedir gwella darpariaeth cludiant cyhoeddus hefyd er mwyn ymdrin â'r nod o gael llai o barcio arhosiad hir fel a gynhwysir yn y Cynllun Cludiant Lleol.

6.11.3. Mae maes parcio presennol Heol Tremains a safle sinema'r Embassy, Pen-y-bont ar Ogwr (polisi R8(8)) yn agos i brif deithiau rheiddiol canol y dref.

6.11.4. I ddelio â diffygion ar ymyl ogleddol canol y dref, bydd maes parcio presennol Heol Tremains yn cael ei fwyhau i ddiwallu ar gyfer parcio ceir i ffwrdd o'r stryd. Bydd ei reolaeth a'i benodiad fel maes parcio'n destun arolygon achlysurol o bolisi codi taliadau'r Cyngor a monitro meysydd parcio canol y dref. Ystyrir hyn ymhellach yn y Cynllun Cludiant Lleol.

6.11.5. Bydd datblygu siop fwyd newydd a pharcio ar safle sinema'r Embassy (cyfeirier at bolisi R8(8) o'r Cynllun) yn darparu digon o barcio arhosiad byr i alluogi siopwyr canol y dref i'w ddefnyddio, ynghyd â chwsmeriaid y siop. Bydd hyn yn helpu i leihau'r prinder presennol mewn mannau arhosiad byr ar ymyl ogleddol canol tref Pen-y-bont ar Ogwr. Cyfunir rheolaeth y maes parcio â strategaeth barcio'r Cyngor a bydd y Cyngor yn mynd i gytundeb gyda gweithredwr y siop o ran y strwythur prisio ynghyd â materion rheoli eraill. Yn debyg i fwyhau maes parcio Heol Tremains, bydd y cytundeb rheoli'n destun arolwg achlysurol o bolisi codi taliadau'r Cyngor a monitro meysydd parcio canol y dref i sicrhau ei fod yn dal yn berthnasol i anghenion y siop a strategaeth barcio'r Cyngor fel a osodir allan yn y Cynllun Cludiant Lleol.

6.12. Cyfarwyddyd Cynllunio Atodol - Cludiant

6.12.1. Yn ei ddogfen gyfarwyddyd Cynlluniau Datblygu Unedol - Cymru (2001) (paragraff 2.12 et.al.) mae Cynulliad Cenedlaethol Cymru'n cynghori awdurdodau er y dylau CDU gynnwys polisïau a chynigion a fydd yn darparu sail ar gyfer penderfynu ar geisiadau cynllunio ac ar yr amodau i'w hatodi at ganiatâd cynllunio, dylent osgoi gormod o fanylion. Dylai awdurdodau ystyried defnyddio cyfarwyddyd cynllunio atodol (CCA) fel ffordd o osod alla cyfarwyddyd mwy manwl am y ffordd y gweithredir polisïau'r cynllun mewn amgylchiadau neu ardaloedd penodol. Gall y CCA fod ar ffurf cyfarwyddyd dylunio neu fanylion datblygu ardal a dylid eu croesgyfeirio'n glir â pholisïau perthnasol yn y Cynllun. Gwneir cyfeiriadau priodol at sawl pwynt trwy gydol hyn a darnau eraill o'r Cynllun i unrhyw CCA a gyhoeddwyd eisoes a/neu sy'n cael ei baratoi, ei gyflwyno a'i fabwysiadu gan y Cyngor.

Bridgend Railway Station

6.12.2. Mae'r Cyngor yn gweithredu'r CCA canlynol eisoes o ran polisïau cludiant a gynhwysir yn ei gynllun datblygu mabwysiedig (1995/1997):-

Cynhadledd Sefydlog cymeradwyedig De Cymru Canllawiau Safonau Parcio (fel y'u diwygir o bryd i'w gilydd) ad) a
Chanllaw Dylunio Ffyrdd Preswyl ac Ystadau Diwydiannol mabwysiedig cyn Gyngor Sir Morgannwg Ganol

6.12.3. Fodd bynnag, ers 1997, mae sawl papur ymgynghori a datganiad polisi gan y Llywodraeth wedi ymddangos mewn perthynas â chludiant a datblygiad cynaliadwy. O ganlyniad i'r agenda cludiant newydd, mae'r Cyngor yn disgwyl paratoi, cyhoeddi ac ymgynghori ar ganllawiau a safonau cludiant diwygiedig, cyn mabwysiadu CCA newydd yn ystod bywyd y CDU. Er enghraifft, bydd yn ail-edrych ar ei Ganllaw Dylunio ar gyfer Ffyrdd Preswyl ac Ystadau Diwydiannol er mwyn cynnwys safonau dylunio cynhwysol ar gyfer 'mynediad i bobl ag anableddau' a'r arferion da hynny ar gyfer 'cludiant a symudiad' a geir yn PCC (NCT) 12: Dylunio (2002). Ar y cyd ag awdurdodau eraill yn Ne Cymru, bydd yn diwygio Canllawiau Parcio ac yn symud tuag at gefnogi 'mwyafswm safonau' yn hytrach na'r 'isafswm mein prawf' presennol er mwyn adlewyrchu'r cyfarwyddyd a geir yn PCC (2002). Yn ychwanegol, bydd yn ail-edrych ar gyfarwyddyd am 'fanylion datblygu ar safleoedd datblygu mawr' a 'chyfraniadau datblygwyr' ac yn ymateb i unrhyw gyfarwyddyd cenedlaethol sy'n ymddangos mewn perthynas â thariffau datblygu.

6.12.4. Bydd y Cyngor yn disgwyl i bob cynnig datblygu ystyried a, lle'n briodol, cydymffurfio â'i ganllawiau a safonau cludiant dros fywyd y CDU. Bydd y pwysau a roddir i'w gyfarwyddyd CCA yn dod yn sylweddol fwy ar ôl cwblhau prosesau ymgynghori, ayb ac ar ôl mabwyiadu'r CCA perthnasol.

<< Pennod flaenorol | Pennod nesaf >>


.. ..	Disclaimer \| Copyright © 2003 Bridgend County Borough Council